علق الفنان أحمد عيد، على جدل تصريحاته الأخيرة والتي أفادت بتعرضه للظلم؛ بسبب عدم مشاركته في أعمال فنية خلال الفترة الماضية، مؤكدًا أنه يعرض عليه بالفعل ولكنه يرفض.
وكتب أحمد عيد، منشورًا عبر حسابه الشخصي بموقع فيسبوك، جاء فيه: “أنا حابب أوضح إني مقصدتش أشتكي ولا أبان عندي ظلم.. بيتعرض عليا شغل كتير وبرفض.. عشان مش هشتغل غير اللي شايفه كويس احترامًا لنفسي وللجمهور”.
وتابع: “مش فارق معايا أشتغل أصلا أو مشتغلش والحمد لله ماديًا مش محتاج.. المهم أعمل اللي أنا مقتنع بيه، وكلامي بيتحور أحيانا عشان أبان بشتكي أو مظلوم ليه مش عارف”.
واستكمل: “بالنسبة للأخ اللي عمل تعليق على الصورة بيقولي مالك يا أستاذ أحمد عينك فيها حزن ليه، وسايب دقنك وشنبك، عايز أقوله إن بس ده راكور علشان بصور حاليًا، وبجد بشكركم كلكم على رسائل وبوستات الدعم والمحبة”.
وظهر عيد بعد غياب طويل عن الشاشات، خلال حفل توزيع جوائز Joy Awards.
وعبر عن سعادته بحضور هذا الحدث وتواجده إلى جانب عدد كبير من النجوم العرب والأجانب، وقال في تصريحات تليفزيونية: “أنا مبقتش موجود على الساحة، واتفاجئت بدعوتي لحفل joy awards وفرحت إنهم افتكروني، ونفسي آجي تاني”.
وتابع: “نهضة السعودية الفنية هتفيد الوطن العربي لأن كلنا واحد وبنتشارك في نفس اللغة والتراث، وأنا جيت السعودية وعملت مسرحية من 20 يوم ويمكن عشان كدا افتكروني”.
وتحدث عن عودته في مسلسل “عملة نادرة” مع نيللي كريم في رمضان 2023، قائلا: “المخرج ماندو العدل مؤمن بيا ولو بقيت كويس في المسلسل دا هيكون نجاح كبير بالنسبالي لأني خايف من الدور وهقدم حاجة مختلفة”.
0 أضف تعليقs