حرص محمود عبد المنعم كهربا، لاعب النادي الأهلي، على دعم زميله أكرم توفيق، بعدما تأكدت إصابة الأخير بالرباط الصليبي بالأمس أثناء التدريبات في كرة مشتركة بينهم.
وكتب كهربا عبر حسابه الشخصي على موقع التواصل الاجتماعي “إنستجرام”: “قل لن يصيبنا إلا ما كتب الله لنا، ثم يعوضك الله، كأنك لما تخسر شيئا، ألف سلامة عليك ياخويا وقدر الله وما شاء فعل وأنا عارف إنك صبرت كتير، بس إن شاء الله ربنا هيرزقك بالفرحة اللي أنت نفسك فيها، الأقوياء لا يسقطون أبدا، إن شاء الله هترجع أحسن وأقوى زي ما عودتنا مستنين رجوعك لينا من تاني يا قلب الأسد”.
وكان أكرم توفيق، قد برأ زميله في الفريق “كهربا” من تعمده في إصابته وأنه لم يكن السبب، وذلك من خلال رسالة نشرها عبر حسابه الرسمي على “انستجرام”، كتب من خلالها: “الحمد لله رب العالمين، أولا وأخيرا، ثانيا في ناس بتقول إن كهربا سبب الإصابة مفيش حاجة اسمها كدة مفيش أي التحام بيني وبين كهربا دا قدر تاني، والقدر مفيهوش مفر”.
وأضاف: “أنا طول عمري عارف إن الدنيا دار اتبلاء وأنا راضي عن ربنا وعن اختيارات ربنا والحمد لله رب العالمين وقدر الله ماشاء فعل”، متابعا: “شكرًا لكل الناس اللي سألت عليا واللي كان نفسه يسأل”.
0 أضف تعليقs