اعترضت ندى الكامل، طليقة الفنان أحمد الفيشاوي على التصريحات المتداولة عبر السوشيال ميديا خلال الساعات الماضية وهي أن السيدات غير ملتزمات بإرضاع أبنائهن، أو خدمة أزواجهن.
وقالت ندى، عبر خاصية القصص المصورة بموقع “إنستجرام”: “آه الست ملزمة تخدم جوزها وتراعي بيتها وحياتها، وملزمة ترضع عيالها واللي يقول غير كده يبقى إنسان عوج.. ملزمين لكن إلزام بالحب وبالفطرة.. أمال إحنا ستات ليه؟ أنا باخد بالي من ولادي وبحبهم وأتمنى إني أعيش وهما يرتاحوا.. بيتي والأولويات بتاعت بيتي أهم من أي حد”.
وتابعت: “اللي يقول غير كده يبقى أفاق.. كله بالحب والرضا بيمشي، أمال إنتو قارفينا ليه بحكاية نص المجتمع محنا نص المجتمع فعلًا.. الست اللي متدلعش جوزها وتحببه في حياته تبقى فقدت عنصر مهم جدًا من أنوثتها.. هو فيه أحلى من إنك تكوني متجوزة ومرتبطة بالراجل اللي بتحبيه ويكون داخل بيته وإنتي عاملة كل حاجة تريحه علشان تتبسطوا والحياة تمشي؟”.
واختتمت منشورها قائلة: “الست دايمًا بتدي وبتصبر لحد ما بتزهق.. لكن إحنا كستات عندنا مخزون لا ينضب من الحب والتضحية لحبايبنا.. سيبوا الستات في حالها وفي بيوتها الحكاية مش ناقصة تسخين”.
0 أضف تعليقs