خالد سرحان يعلق على الهجوم عليه بسبب سعد لمجرد
علق الفنان خالد سرحان، على الهجوم عليه بسبب المطرب المغربي سعد لمجرد، من خلال حسابه الشخصي على موقع "فيسبوك". كتب خالد سرحان: "من بعد ما ممسحت البوست بتاع اغنية سعد لمجرد وانا بواجه هجوم مش طبيعي من مجموعة كبيرة جدا من الشباب المغربي".
خالد سرحان: أنا مهاجمتش رمز وطني مغربي
أضاف: "الحقيقة أنا مش لاقي أي تفسير لده، أنا مهاجمتش رمز وطني مغربي ولا حتى هاجمت أي شخص أنا خدت موقف إنساني طبيعي غير متعلق، ولا بشخص ولا ببلد، وأي حد مكاني لازم ياخد الموقف ده وإلا مش هيكون إنسان سوي". وتابع: "أنا حتى لم أُثبت اتهامات، أنا قولت إن الموضوع طالما فيه احتمال حتى لو 1 ٪ يكون مُدان بالتهم دي فعلاً فا أنا عن نفسي لازم اتجنب الشخص ده لحد ما أتأكد إنه برئ وبس". وختم قائلا: "أنا زُرت المغرب كتير والشعب المغربي من اقرب الشعوب لقلبي كا كرم وطيبة وذوق في التعامل، عشان كدا انا مش زعلان منهم واتمنى مايفهمونيش غلط، المغرب مش شخص، ومصر مش شخص، احنا بلاد كبيرة مينفعش نختزلها في فرد ممكن يخطئ أو يصيب. وكان خالد سرحان حذف منشور أشاد خلاله بالاغنية التي شارك فيها لمجرد الفنانة إليسا، دون أن يعلم أن سعد لمجرد متهما في قضايا إغتصاب، وفور علمه قام بحذف المنشور وأعلن عن رفضه للترويج لمطرب متهم بهذه القضايا». وكان خالد سرحان نشر منشوراً قال فيه : "تنويه سريع. في اغنية انا اتريقت عليها في فيديو عندي على الصفحة امبارح.. الاغنية دي كانت تريند على تيك توك وانا بكل امانة مش مميز غير صوت اليسا في الاغنية ومعرفش مين اللي بيغني معاها.. فا صديق ليا كلمني وبالصدفة بيقولي شفت الفيديو بتاعك على اغنية سعد لمجرد قفلت معاه ومسحت البوست في ساعتها. وتابع: "أنا الشخص ده ماكنتش اعرفه اصلا غير لما مره من كام سنة اتصور معايا في فرنسا وبعدها اصدقائي قالولي ان ده مغني واسمه سعد لمجرد، عشان كدا حابب اعتذر لمتابعيني وجمهوري اني ساهمت في ابراز شخص متهم بالاغتصاب في أكتر من دولة وبـ بنات كتير.. انا مش بهاجم ولا حتى بتهم بس عالاقل مش هتسامح مع شخص متهم بإتهامات لا تغفر زي دي ولسا لم تثبت براءته لحد دلوقتي. بعتذرلكم تاني". وتعرض الفنان سعد لمجرد، لأزمة كبيرة في العراق بعد إلغاء الحفل الخاص به قبل انطلاقه، بسبب اعتراض الجمهور العراقي على إقامة الحفل.. تفاصيل أزمة سعد لمجرد في العراق بعد الإلغاء المفاجيء له.. الجهة المنظمة لحفل سعد لمجرد تعيد ثمن التذاكر للجمهور قضايا اغتصاب سعد لمجرد تطارده في العراق.. ما القصة؟ مصادر تكشف لـ “مصر الآن” سبب الإلغاء المفاجئ لحفل سعد لمجرد
