أعرب الفنان محمد نجاتي، عن حزنه وغضبه الشديدين؛ بعدما هاجمه أحد الكُتاب خلال منشور له، وقارنه بزميله الفنان أمير كرارة، حيث أشار إلى أن الأخير أصبح نجماً ولا يلاحق على العمل، وذكر أن الأمر مع نجاتي عكس ذلك.
وظهر نجاتي خلال مقطع فيديو عبر فيسبوك، وقال فيه: أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور.
وأضاف: "عاوز أقول إني ما كانش ليا دخل في ترشيحي لمسلسل محمود المصري، مع محمود عبد العزيز، ترشيحي جاء من خلال مدحت العدل وهو حي يرزق يسأل.
وتابع: بالنسبة للبوست اللي اتقال فيه شوف كرارة فين ومحمد نجاتي فين، دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الممثلين وأتمنى أشارك فيها، ولكني مضطر اشتغل حاجات علشان أكمل بقيت حياتي لأن عندي التزامات.
واختتم محمد نجاتي حديثه: مش مبسوط بالحاجات اللي بقدمها وأحيانا بضطر أقبل حاجات مش راضي عنها علشان أقدر أكمل حياتي وإذا كانت الوضعية دي مضايقة ناس ممكن اعتزل واريحكم كلكم مني وتبقى نهاية الحكاية.
ولاقى منشور وكلمات نجاتي تفاعل جماهيري كبير، ممن ساندوه ودعموه بعدما هدد باعتزاله التمثيل، إذا كان هذا القرار سينال إعجاب الصحافيين والكتاب، كما طالبه البعض في العدول عن فكرة الاعتزال.
