اتهمت سيدة، تدعى: نورا ح - مُعلمة متطوعة، مدير مدرسة خاصة في الجيزة، يدعى: أشرف.أ، بالتحرش بها، وطلب رشوة جنسية لنفسه، ووقف قيدها بالمدرسة؛ لحين الرضوخ لطلباته الجنسية.
هتك عرض معلمة من مدير مدرسة
واستمعت جهات التحقيق إلى أقوال المعلمة المتطوعة، والتي اتهمت مدير المدرسة بهتك عرضها وابتزازها، ومساومتها؛ للحصول على رشوة جنسية، وإفصاحه عن رغبته في إقامة علاقة غير شرعية معها؛ مقابل تسهيل تعيينها في المدرسة التي يديرها.
وقالت المعلمة في التحقيقات: اللي حصل إن أنا كنت في الإدارة التعليمية بقدم على عمل، كمتطوعة، ووزعوني على مدرسة خاصة، وروحت قابلت المدير، وبدأ يتغزِّل فيا، ويكلمني ويقولي: ليه بتعامليني معاملة وحشة؟، وبدأ يساومني على العمل، وإنه هيدیني مجموعات، ویزوِّد دخلي؛ وده نظير إني أطاوعه في المواضيع دي، ولما ما رضيتش؛ قال لي: التطوع انتهى، وبدأ يبعتني الإدارة أمضي ورق، وروحت اشتكيت كذا مرة في الإدارة.
وأضافت المعلمة صاحبة الواقعة: رجعت له تاني، وقولت له الإدارة موافقة، ووريته الأوراق، راح قعد يزعق، وروحت الإدارة وحكيت لهم على اللي حصل، وطلبوا مني أسجل له، وروحت حكيت للمدرسين، وطلعت اتكلمت معاه، قالي إن التطوع اتلغى، وممكن أساعدك عن طريق إنه يثبتني: عاملة؛ بس ياخد مقابل، وهو قالي: دُخلِتِك هتكون النهاردة، وإنه هيديني فلوس؛ لو طاوعته، وكان عاوز يقيم علاقة معايا؛ نظير إنه يوافق على عملي بالمدرسة، وقال لي: سيبيلي نفسك خالص، لإما يوقف لي التعيين، وذلك لعلمه أن لي ابنة مريضة، وأحتاج للعمل للإنفاق عليها.
وأكملت المعلمة في التحقيقات: كان بيوعدني أنه هيديني فلوس مقابل كده، وأنا قاعدة معاه في المكتب، مد إيده على جسمي، وأنا سجلت له الكلام ده، وحطيته على فلاشة، وبعد كده روحت عملت محضر في القسم، وهو ده كل اللي حصل.
وأمرت جهات التحقيق بالجيزة، بإحالة مدير مدرسة ابتدائية خاصة، إلى محكمة الجنايات؛ لاتهامه بهتك عرض معلمة، واستغلال نفوذه الوظيفي.
وحددت محكمة جنايات الجيزة، جلسة 25 سبتمبر الجاري، كأولى نظر جلسات محاكمة مدير مدرسة ابتدائية في العمرانية، متهم بهتك عرض معلمة، وعرض رشوة جنسية عليها وتهديدها.
