"ناجح في دور الرقاصة ولايق عليك".. أحمد فلوكس يتصدر الترند بعد هجومه على محمد رمضان

تصدر الفنان أحمد فلوكس، ترند منصات التواصل الاجتماعي، بعدما هاجم الفنان محمد رمضان بسبب سخرية الأخير من والده الفنان فاروق فلوكس لتجسيده دور "صبي رقاصة". وتحدث محمد رمضان خلال لقائه الإعلامية، نجوي إبراهيم المذاع على "قناة النهار": "في فنان كبير عمل أشياء أرفض أن أفعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير". https://www.youtube.com/watch?v=E6PewwtGfhk&feature=emb_title ليرد أحمد فلوكس على تصريحات رمضان من خلال منشور عبر حسابه الشخصي في "فيس بوك"، كتب فيه: "شوف يا حماده، انت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها، وانت ما شاء الله ناجح في ده جداً وبتعمله سهل وانت عريان ما دريان". وأضاف أحمد فلوكس: "نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان". وتابع موضحاً: "أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان". واختتم أحمد فلوكس هجومه قائلاً: "وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار".