ابنة أسامة أنور عكاشة: أوقفوا استغلال سيرة أبي في كلام فاضي

أظهرت ابنة الكاتب الراحل أسامة أنور عكاشة، استياءها الشديد من استغلال سيرة والدها في اللقاءات الإعلامية، مؤكدة أنها ستضع حدود لمثل هذه الأمور. وكتبت عبر فيسبوك: إتعلمنا من بابا الرُقي والبعد عن المهاترات..لكن في وقت معين لازم نقطة نظام تتحط بمنتهى الحسم..! مش آن الأوان بقا نكتفي من إستغلال سيرة أبويا في كلام فاضي و مهازل تركبنا الترند. جاءت رسالتها بالتزامن مع تصريحات المخرج جمال عبد الحميد، والذي تحدث خلالها عن أن الخلاف بينه والراحل كان بسبب تدخل الأخير في الإخراج، واتفقا على ألا يتعاونا معًا مرة أخرى بسبب خلافاتهم المستمرة في العمل. وقال جمال عبد الحميد، في تصريحات تلفزيونية: علاقتي بـ أسامة أنور عكاشة قديمة جدًا وهو مكتبش الجزء الثالث من زيزينيا أصلًا وابنه هشام الله يرحمه كان بيشتغل معايا مساعد، وأسامة كان كاتب في ديكور معين 11 مشهدا. وتابع جمال عبد الحميد، كاشفًا السبب الرئيسي وراء خلافه مع الراحل أسامة أنور عكاشة، قائلًا: خلصنا المشاهد والديكور اتهد واتضح أن المشاهد كلها لسه مخلصتش وفاضل مشهدين في نفس الديكور، وأول ما أسامة عرف اتخانق مع ابنه وضربه مع إن الولد مغلطش والورق اللي معانا مكنش كامل، وأسامة ضربه مع إني قولتله إننا هنتصرف ونعمل المشهدين برا واتخانق مع ابنه قدامنا وزعلت جدًا وقولتله اتفاهم معاه في البيت مينفعش تضربه قدام الناس والعمال، ومن هنا كبر الخلاف. وكشف أن سبب اتفاقهم على عدم التعاون مرة أخرى، هو تدخل الراحل أسامة أنور عكاشة، في الإخراج، موضحًا: ولكن برده هقول إن أسامة أنور عكاشة، هايل ومفيش حد كتب زيه في التاريخ وكان فخر ليا أشتغل معاه، وسبب زعلي هو التدخل في أمور الإخراج مع إنه كان ممكن يطلب مني ويتفق معايا، ودا حصل في الجزء الثاني ومحصلش قطيعة ولما تعب كنت بروح له المستشفى لأنه صديقي واتفقنا إن مينفعش نشتغل مع بعض تاني.