مش طموحي الفرخة تفك.. بلوجر مصرية تثير غضب الجمهور بعد سخريتها من الزواج

تصدر اسم البلوجر رانيا يحيى، اليوم الأربعاء، ترند موقع التواصل الاجتماعي فيس بوك، وذلك بعدما تداول رواده تصريحات لها ساخرة من الزواج وسيدات المنازل. وجاءت هذه الحالة الجدلية، عندما ظهرت رانيا يحيى في أحد اللقاءات، وقالت: أول عريس اتقدملي، وكان أهلي موافقين عليه، كان عندي 16 سنة، قاعدة بتخيل شكل حياتي النهارده، مع احترامي الكامل للناس، اللي بتستنى الفرخة تفك، ولكن أنا مش متخيلة إن دي تبقي طموحي، إني قاعدة مستنية الفرخة تفك. وأضافت: مع كامل احترامي للناس اللي دي أحلامهم، حاسة إن لو كنت ساعتها، أهلي ضغطوا أوي في الحتة دي، عمري ما كنت هبقى سعيدة، لأني كنت هكتشف الشغف بتاعي قدام، بعد ما أكون اتورطت، كنت هابقى عيشة تعيسة، مضطرة أتأقلم، وبشكر ربنا إني عنيدة كفاية، لأني كنت برفض أي حاجة متعجبنيش، وأهلي مكنوش بيدوسوا أوي. وفور تداول هذه التصريحات، شن رواد التواصل ضدها هجوماً حاداً، معتبرين حديثها بمثابة سخرية من الزواج، فيما توجه البعض بالسخرية منها ومن عملها ومن بين التعليقات: مالها الفرخة اما تفك.. اه نسيت منتي مشغولة بتخصيب اليورانيوم، مين رانيا يحيى دي. فيما ردت يحيى على هذا الجدل عبر فيسبوك، برسالة من إحدى الفتيات التي أعربت عن ندمها على زواجها وهي صغيرة، وأرفقت رانيا يحيى هذه الرسالة بتعليق منها وكتبت: عشان نقفل الكلام في الموضوع ده لأني مش هديله من صحتي اكتر من كدة في جدالات مع ناس لا بتفهم و لا سايبة فرصة لحد يفهمها ، الجزء اللي بيتشير مقتطع من سياق حديث طويل و كله عني مش عن حد و لا تنظير على حد و الرسالة منه بالظبط هي اللي في الاسكرين اللي عاوز يفهم و مايبقاش ماشي في القطيع عنده الفيديو في الكومنتات و اللي مش عاوز و شايفها فرصة كويسة يلم شوية لايكات على كومنتات من الغلط فيا فيامرحباً بحسنات لم اشقى بها و مبروك عليه اما شوية السواد و الفل اللي طلعوا من ناس بالفعل متابعني و كاتبين بكل بجاحة انا بتابعك و عمري ما حبيتك فنصيحتي روحوا اتعالجوا او حاولوا يبقى عندكم كرامة و تبطلوا تتابعوا حد مش بتحبوه عشان منتظرين لحظة تخرجوا فيها غلكم. وأضافت: انا مش بطلب من حد يحبني بس كمان مش بسمح لحد يتواقح عليا ، و لو على اثارة الجدل و الشهرة بيها فدي مفيش اسهل منها و كان زمان عندي ملايين في كل اكاونت لو انا بتعمدها او بتعمد عليها انما بتعب على كل حاجة و بحاول اساعد كل اللي حواليا بكل الاشكال المتاحة ليا و طبيعي يكون في ناس كتير ما تعرفنيش أنا مش شاكيرا يعني لكن لو فعلاً مهتم أعرف مين دي بجد مش سؤال غرضه التهكم و السخرية فانت تقدر تعمل سيرش عني و اعرف انا بعمل ايه او حتى اسأل بأدب و أنا هجاوبك.