أرملة عمار الشريعي: كان بيقدرني وراضي باللي كاتبه ربنا له

تحدثت ميرفت القفاص، أرملة الموسيقار عمار التشريعي، عن ذكرياتها معه وقالت إن أعمال الراحل مازالت موجودة بقوة ويحرص جمهوره على سماعها، وذلك على الرغم من وفاته منذ 10 سنوات. وأكدت أرملته في تصريحات تلفزيونية: عمار أعماله عايشة، ولسه بنتفرج على الدراما بتاعته من مسلسلات وأفلام وأغانٍ. وتابعت أن زوجها الموسيقار الراحل، لا يزال له الكثير من المحبين والمعجبين والذين دائما ما يؤكدون أنه قد علمهم ورباهم ثقافيًا وموسيقيًا، مضيفة: الحاجات دي بتفرحني، وبفرح لما بيكلموني في ذكراه. وأضافت: أنا كنت مع بني آدم محترم بيقدر بيته والست اللي معاه وبيحبني وابنه، والواحد لما بيسمع المشاكل الزوجية دلوقتي بيقول إزاي فيه رجاله كده، أنا كنت مع راجل محترم جدًا ومحسسنيش إني مختلفة عنه، وربنا يرحمه كان زوج فرفوش مبيحبش النكد وطيب وراضي باللي ربنا قسمه ليه ومقدر النعمة اللي معاه. وأوضحت أرملة عمار الشريعي، أن قصة حبهما بدأت في عام 1988، وتركها وتوفي في عام 2012 أي بعد قصة زواج استمرت لـ 25 عامًا، متابعة: بقالي 10 سنين عايشة علشان مراد وأحقق فيه اللي باباه كان عايزه.