مين دول؟.. رسالة شديدة اللهجة من يسرا لمنتقدي رقصتها في مهرجان البحر الأحمر السينمائي

وجهت الفنانة يسرا رسالة شديدة اللهجة لمنتقدي رقصها في مهرجان البحر الأحمر السينمائي، والذي يختتم فعالياته اليوم، حيث انتقد البعض ظهورها ترقص في حفل للفنانة اليسا رغم وفاة الفنان هشام سليم قبل شهور. وقالت يسرا خلال لقاء مع “ET بالعربي“: “عمرك ما هترضي كل الناس، وأطلع أرد على مين؟ مين دول؟! ليه عايزني أنزل للمستوى دا! الزمن والوقت بيرد عليهم، حتى لو أزعجني ما بسمحش أنه يأثر فيا.. قالوا عليا كلام كتير جدا في موت هشام سليم أخو جوزي، وقالوا إني أنا وجوزي أطلقنا، وألفوا قصص وروايات، تفتكر أقلل من نفسي وأرد عليهم؟ دول عايزين لايكات وفلوس”. وتابعت: “إحنا بنبكي لدلوقتي.. رقصنا، ضحكنا، اتكلمنا، اشتغلنا، قعدنا في البيت، إحنا بنبكي لحد دلوقت.. هشام يتحزن عليه ويتبكي عليه، هيقولولي بترقصي ليه؟ علشان لو كنت أقدر أموت ورا كل حد، كان زماني مت ورا أمي”. https://youtu.be/ZGOqh_19sic