فيفي عبده: مينفعش الست تخلي جوزها يوصل صاحبتها لأنها هتشقطه

حلت الفنانة فيفي عبده ضيفة على برنامج كلام الناس، الذي تقدمه الإعلامية ياسمين عز، ووجهت خلاله نصيحة للسيدات للحفاظ على أزواجهن.

وقدمت "عبده" نصيحة للسيدات، قائلة: "ليه الراجل بيجري من الست بتاعته، لأن ممكن تكون صاحبتها بترسم على كده علشان تاخدوا منها، هو في حاجة اسمها روح وصل صاحبتي!".

وتابعت: "ده حتى لو هو نيته كويسة ممكن يكون هي نيتها مش مظبوطة، مينفعش الست تقول أسرار بيتها لأي مخلوق، لأن الست اللي بتصطاد في المياه العكرة بتعرف نقطة ضعفه، وتاخد اللي عاوزاه وتطير الولية بولادها وتشقطه، هو إيه اللي حصل في الدنيا وإيه كمية الطلاق والخلع دي، وكويس إن الريس عمل قوانين جديدة للموضوع ده علشان ما يستهترش بالموضوع والراجل يدفع قبل ما يتجوز".

واختتمت: "الست بتعجب الراجل اللي بيتعب ويطلع عينه عليها، الغالي تمنه فيه ولازم تعززي نفسك، مش هتلاقي زي اللي اختاريته وخلفتي منه، ولا تقولي لصديقتك أي حاجة في بيتك، عندك مشكلة ادخلي الأوضة وحلوها وأديله فرصة مرة واتنين وفي الآخر تجيبوا الأهل ويخلصوا الموضوع، مش هما الاتنين ينطحوا في بعض علشان هي سامعة لها رسالة حلوة، ولا هو حاطط عينه على واحدة".