ناهد السباعي بعد هروبها من زفافها: اتحملت قراراي وأمي جعلت عندى اكتفاء
كشفت الفنانة ناهد السباعي، العديد من الأسرار حول حياتها الشخصية، وعن سبب عدم ارتباطها حتى هذا الوقت، وذلك أثناء استضافتها في برنامج VIP.
ناهد السباعي تهرب من زفافها
وكشفت ناهد سباعي سبب هروبها من حفل زفافها، وأكدت أنها تحملت نتيجة قرارها حتى الآن، هي ووالدتها المنتجة ناهد فريد شوقي، واوضحت أن والدتها لا تتدخل في ارتباطها.
وقالت ناهد عن نتيجة هروبها من زفافها: "لو علمتم الغيب لاخترتم الواقع، وأنا متأكدة أن اللي أنا فيه أحسن بكتير، والحياة اللي كنت هبقى فيها مش مناسبة ليا ومش شبهي، أنا كنت غلطانة ويمكن إني اتصرفت متأخر شوية وكان لازم أعمل كده بدري ومفيش حد بيتعلم ببلاش وأنا تحملت نتيجة اللي أنا عملته".
سبب هروب ناهد سباعي من زفافها
وأضافت موضحة سبب هروبها:" دايمًا بنات كتير بتفكر إننا نقدر نصلح أو نقدر حاجات كتير تتغير بعد الجواز وأن الحاجات مش هتحصل تاني بالشكل ده وأن الجواز هيغير، ولكن ده مش حقيقي ومفيش حد بيغير حد".
وتابعت:" بالعكس الناس بعد الجواز بتريح وبتبقى على طبيعتها أكتر، واللي استفدت منه أنه لازم البنت تحترم وتقدر نفسها وتعرف تبقى مع حد شبها، وتعرف تبقى في حياة هي شايفة شكلها مش حياة تبقى بتحلم بيها مع البني آدم اللي بتحبه وأنها هتحقق ده، لأ ده مش حقيقي، لازم يبقى في مقدمات لشكل الحياة".
علاقة ناهد السباعي بوالدتها
وعن علاقتها بوالدتها تحدثت الفنانة ناهد السباعي، قائلة: "علاقتي بوالدتي قوية جدًا، وفي ناس بتقولي أن علاقتي بوالدتي أقوى من علاقة أي شخص تاني بوالدته ولكني شايفة أن لأ في ناس علاقتهم بوالدتهم زيي وأكتر كمان، وأنا متعلقة بوالدتي أوي لدرجة إني بنام جنبها في السرير وبحس بالأمان".
وأضافت: "مش حقيقي إني متعلقة بوالدتي علشان مش متزوجه، ومش عارفة ليه الناس بتقول كده، أنا اكتشفت أن الأب والأم اللي كويسين جدًا مع بناتهم، ده بيخليهم عندهم اكتفاء جدًا ومبيبقاش قرار الجواز سهل واختياراتهم بتبقى أصعب".
https://fb.watch/jsAkb0HyhQ/?mibextid=qC1gEa
