ناهد السباعي ترفض تبرؤ رمضان من إحكي يا شهر زاد.. وجمدت بويضاتها بطلب من والدتها

ردت الفنانة ناهد السباعي، على تبرؤ الفنان محمد رمضان من فيلم إحكي يا شهرزاد، بالتعاون معاها مؤكدة أن ذلك أمر مرفوض بالنسبة لها، وذلك عندما حلت ضيفه مع الإعلامية أميرة بدر، في برنامجها VIP.

وقالت ناهد السباعي: "مستحيل أتبرأ من عمل قدمته، ومش أنا الوحيدة اللي اشتغلت في الفيلم في ناس كتير اشتغلت ومبسوطة وفخورة بشغلها، ومش معنى إني غلطت في اختياري أو في أدائي أو شغلي إني أطلع وأقول أمام كل الناس إني بتبرأ وبعتذر، ده مش صح لأن لو أنا مش مبسوطة بالعمل ده في حد مبسوط إنه اشتغل معايا في العمل دا، وفي مخرج وكاتب تعبوا في العمل دا وفي ممثلين تانين شايفين أن العمل ده كويس بالنسبة ليهم".

تصريحات ناهد السباعي 

وأضافت: "مينفعش أني أطلع أنا لأخطاء أنا عملتها سواء اختياري أو أدائي أو أي حاجة أو عدم التزامي في إني أقدم الدور بشكل كويس، إن أنا ارمي كل مجهود الناس دي وأقول أنا أتبرأ وندمانة وبعتذر للجمهور، وبعتذر جدًا لكل الناس اللي بتعمل كده، أنا بشوف أن دا مرفوض جدًا".

واستكملت ناهد السباعي : "أنا فخورة إني اشتغلت في الفيلم دا مع ناس كنت طول عمري بحلم أشتعل معاهم، من أول أستاذ يسري وأستاذ محمود حميدة ومنى زكي وسوسن بدر، فيلم كبير ومهم وعايش والناس بتحبه، خسارة إنه شايفه كده".

ناهد السباعي تجمد بويضاتها

وأثارت ناهد السباعي الجدل في تصريحات عن تجميد بويضاتها بطلب من والدتها المنتجة ناهد فريد شوقي، قائلة: "طبيعي كان نفسي أكون أم، وجمدت بويضاتي بـ طلب من والدتي، وكان لازم أجمد بويضاتي علشان مكونش متسرعة في اختيار شريك يكون معايا أضطر أخلف، واختار شريك حياتي بشكل أحسن، ومكونش خايفة من المستقبل، وأريح والدتي وأختي".

وردت ناهد السباعي على رد فعلها تجاة المعاكسة قائلة: "على طول بضحك لما بتعاكس، وكنت عاملة مشهد في فيلم إكس لارج، والناس حافظة كلام المشهد وبقوا يقولولي أنا بحب البوس أوي وعندي 4 حسنات في ضهري، إيه دا ليه حد يقول كده، دي من أغرب الحاجات اللي بسمعها وبضحك أوي عليها ودا لما مشهد ينجح".

https://fb.watch/jsEFk5uaoV/?mibextid=cCeA5f

ونفت الفنانة ناهد السباعي التهامات البعض لها بأنها تعمل في الوسط الفني، بسبب أسرتها الفنية: "إحنا دلوقتي في عصر الناس مبيستخباش عليها حاجة، وأنا بشتغل بواسطة أهلي هيبان جدًا، والحمد لله الناس شايفة أني من ساعة ما طلعت بشتغل مع مخرجين عمرهم ما يجيبوني بالواسطة".

وأضافت ناهد السباعي: "أنا أخدت جوائز من مهرجانات كبيرة في مصر وبرا مصر من غير الواسطة، الواسطة، والواسطة موجودة في كل المجالات، في الفن والإذاعة والتلفزيون والطب، لكن منقدرش نضحك على الناس".

https://fb.watch/jszrUjQs4F/?mibextid=qC1gEa