رانيا يوسف تصدم الجمهور: مبخافش من ربنا ولا يوم الحساب

أثارت الفنانة رانيا يوسف، حالة من الجدل، وذلك بعدما أعلنت عدم خوفها من يوم الحساب، الأمر الذي تفاعل معه رواد التواصل الاجتماعي بشكل كبير.

وقالت :"أنا بحب ربنا بس مش بخاف منه لإني مبعملش حاجة غلط وأنا في الآخر بني آدمة وبغلط وباروح وبارجع ومش ملاك".

وأضافت خلال الجزء الثاني من لقائها ببرنامج "العرافة" المذاع علي قناة "النهار":"أنا بني اَدمة بتغلط وبرجع لربنا وبستغفره وده مش معناه إني بخاف منه، أنا بحبه وبرجعله علشان أنا بحبه".
وأردفت: "انا لا بخاف من ربنا ولا بخاف من يوم الحساب ومش عارفة انتوا خايفين ليه، أنا مش خايفة من الموت خالص ولا يفرق معايا بالعكس راحة من المسئوليات، أخاف علي بناتي".

واستطردت: "انا مش بخاف من يوم الحساب لإن عندي ثقة مطلقة، ولما ربنا يسألني عن فستان البطانة هقوله غلطت ورجعت وكان سوء تقدير مني، وسمحت لبنتي تلبسه لأنها طفلة عندها 16 سنة".

وكانت يوسف قد كشفت في الجزء الأول من نفس اللقاء، أسرار كثيرة قائلة:"كان بيجيلي عرسان وأنا متجوزة ومش شايفاها إهانة لأي شخص اتجوزته، والموضوع كان بيجيلي بشكل غير مباشر عن طريق صديقة ليا".

وتابعت خلال لقائها ببرنامج "العرافة" المذاع علي قناة "المحور":" أنا في الحب بنجرف بسرعة لأن إحساسي وعواطفي بتسبق العقل عندي".