حسن شاكوش ينكر معرفة شذى بعد سخريتها.. والأخيرة: جاب ورا| خاص

حل المطرب حسن شاكوش، ضيفًا على برنامج العرافة، الذي تقدمه الإعلامية بسمة وهبة، عبر شاشة المحور، وكشف خلال اللقاء عن المزيد من الأسرار حول خلافاته مع الفنانين وعلاقاته في الوسط الفني.

ورد مغني حسن شاكوش، على الفنانة شذى بعدما انتقدته وقالت إنه لا يجيد الحديث، قائلا: "هي بتغني؟! هي دي مغنية؟! بتغني إيه؟! معرفهاش والله العظيم، أنتِ حافظة لها أغاني؟!".

وأضاف شاكوش:"ربنا يتولاها، أنا مش مستفز زي ما هي بتقول، أنا بتكلم بطبيعتي ومبحضرش، لكن أنا مبغلطش، ومش بحب أكون FAKE".

من جانبه ردت المطربة شذى، على هذه التصريحات خلال حديث مع" مصر الآن" وقالت: "بردو ياحسن ياشكوش إنت مستفز.. وبعدين هو جاب ورا بعد لما دكتور بسمة ردت عليه وقال عارف اسمها بس مش عارف أغانيها".

أزمة حسن شاكوش والمطربة شذى

بدأت أزمة الفنانة شذى، مع حسن شاكوش عندما كتبت منشورا عبر صفحتها الخاصة على موقع" فيسبوك" هاجمت فيه حسن شاكوش حيث قالت: "لقاء حسن شاكوش النهارده ده بالنسبة لي كوميديا سوداء وهبد غير طبيعي! كنت بضحك وعايزة أكسر التليفزيون من كمية الاستفزاز وبالأخص الجزء بتاع الرد إن حماقي أصلا سارق اللحن من أغنية تركي!".

وتابعت شذى:"وأساسا الأغنية التركي نازلة بعد أغنية حماقي اللي هي ألحان مدين بسنتين على الأقل! وإن أغنية حماقي من 2012 جايبه 16 مليون، بس نقف بقى هنا، أولا لما نجحت أغنية وسارق لحنها، طيب كنت من باب العلم بالشيء ثقف نفسك واعرف تاريخ اللحن ده إيه ومين اللي واخده من مين! تاني حاجة قصدك إيه بأغنية حماقي جايبه 16 مليون بس، إنك أجمد وكده من حماقي!".

واختتمت شذى هجومها قائلة:"هو مش معنى إن فيه هوجة وانحدار في الذوق تتخيل إنك جامد أوي وتتكلم بتعالي كإنك مغني قصيدة الأطلال! والله أمثلة بجد تكره الواحد في اليوم اللي فكر يسيب فيه حاجات كتير بيحبها علشان يخبط في العالم دي، لقب فنان ده يتقال على كل من هب ودب، وبقى مقياس النجاح وتقدير حجم الموهبة مربوط بـviews وحسابات أبعد ما تكون عن المهنية والفن لنا الله والله".