نهى العمروسي عن أزمة ابنتها في “الفيرمونت”: اتجوزت من ورايا (فيديو)
تحدثت الفنانة نهى العمروسي، لأول مرة، عن أزمة ابنتها نازلي كريم، والمعروفة إعلاميًا بقضية “الفيرمونت”.
وقالت العمروسي، خلال لقائها مع الإعلامية أميرة بدر ببرنامجها “Vip” المذاع على شاشة “هي”: “كنت منهارة في الأول وربنا ما يحكم على حد وخدت صدمات كتيرة، وتعاملت مع الأزمة بحب غير مشروط، وأنا غلطت في تربية بنتي، مكنش عندي وعي كأم، ومكنتش ناضجة وصغيرة ووالدها مات، والحكاية كانت كبيرة عليا، لأني كنت متدلعة أكتر في بيتنا”.
وأضافت: "بنتي شافت مآسي أكتر مني بكتير، ومقلتلهاش إزاي والدها مات بطريقة واعية وكان لازم استشير دكتور نفسي، وأهتم بيها أكتر من كدا، كان لازم متجوزش بعد باباها، لأن الموضوع أكيد جرحها، ولكن كنت مهتمة بيها وبهواياتها.
وتابعت: مكنتش موافقة على الشخص اللي كانت بتحبه واتجوزته من ورايا في السر ولما عرفت اتصدمت، مكنتش مستريحة للولد ده، مكنتش متخيلة إن الموضوع كله بالقبح ده خالص، وقلبي مكنش مستريح له، وبنتي مكسرتليش ضهري أنا زعلت عليها".
وتابعت: “بنتي كانت خايفة ومتهددة ومخوفها لحد الآخر أو هتتفضحي، وفي بنات كتير كدا بيحصلها كدا مش بنتي بس، سألتها وقتها في حاجة مخوفاكي مرضيتش تقولي، وبطلت خوف لما اتقبض عليها، وهي دلوقت اتحررت منه ومن تهديداته، وأخيرًا خلصت منه، هتعمل فيا إيه أكتر من اللي عملته فيا”.
واختتمت نهى العمروسي حديثها: “أكيد بنتي اتعلمت حاجات كتير ونضجت ولسة الموضوع مأثر عليها ومعلم فيها، ناس كتير وقفت جمبي، صحباتي وعيلتي، والمحامي الخاص بيا طارق العوضي، ومبفتكرش الوحش ولا كنت فايقة مين ضربني في ضهري أو بيحبني وعايز يجيلي، ولكن اللي جالي وقعد معايا حوالي ساعتين وكان عنده رؤية للموضوع، وبنتي كانت كبش فداء وربنا نجاها”.
6xWKHWadfQlV69rdUaC60YVvjhwxOxhjpPvNoo&__tn__=%2CO%2CP-R
