نهى العمروسي: شكيت في كل الأديان
نهى العمروسي: الناس كانت بتقول عليا "صايعة".. وشكيت في كل الأديان
أثارت الفنانة نهى العمروسي، حالة من الجدل خلال الساعات الماضية، بعد حلولها ضيفة بأحد البرامج التلفزيونية حيث أدلت بعدة تصريحات جريئة فتحت النار عليها.
من بين هذه التصريحات التي أدلت بها نهى العمروسي، هو أنها دخلت في قصة حب عندما كانت في الثالثة من عمرها، حيث أحبت ابن الجيران، وتشاجرت مع صديقتها بسبب أنها أحبته أيضًا.
نهى العمروسي، قالت في حديثها: "أنا مشكلتي إن الناس كانت بتقول عليا صايعة بس أنا واحدة اتربيت على الحرية وأهلي علموني ده، وكان عندي موتوسيكل وأنا في تالتة إعدادي، وكان جنون وقتها إن بنت تسوق موتوسيكل".
وعن سبب فشل زيجاتها قالت:" أنا بحب الرجالة اللى شكلها حلو ودايما كنت بختار كده وده كان سبب الفشل والصدمات في حياتي بس حاليا أنا مرتاحة وأنا عايشة لوحدي".
نهى العمروسي: جاتلي فترة شكيت في كل الأديان
وكشفت الفنانة نهى العمروسي، إنها أخذت قرار الصلاة بعد تخرجها من المعهد العالي للسينما، بعدما وجدت الله في قلبها وأنه قريبًا منها دائمًا، حيث قالت'"بدأت أصلي متأخر عشان بعد ما دورت على ربنا ولقيته جوانا، ولما لقيته أقرب حاجة لينا وأحنا مش متخيليين، وهو الحب ومننا وجايين من عنده ورايحين عنده".
وأضافت نهى العمروسي: "أنا جاتلي فترة وشكيت في كل الأديان، ووصلت في النهاية أن ربنا حب وجمال وخير وعدل وكل حاجة حلوة، وشفته وحسيت بيه في كل الأديان، كل دين رايح لربنا واتجاهه رايح لربنا، والهندوسية مفيهاش نبي وملهاش كتاب.. وكتبت مرة 9 قيم في الهندوسية مليئة بالعطاء والخير والتبادل وقمة الصوفية، ومتفرقش معايا القيم حتى لو جاية من البوذية أو الإسلام أو اليهودية ، المهن أنها قيمة عالية.
وأشارت نهى العمروسي إلى أن ديانتها التي على بطاقتها الشخصية هي مُسلمة، ولكن ردت قائلة: ديانتي اللي جوه قلبي مِسلمة مش مُسلمة، يعني التسليم لله ، يعني مُسلمة مِسلمة أمري لله.
