أسامة منير يفتح النار على محافظ القاهرة ويطالب بإقالته
طالب الإعلامي أسامة منير رئيس الورزاء بإقالة محافظ القاهرة ورئيس حي مصر الجديدة بسبب تشويه عربيته المرسيدس، معرباً عن غضبه الشديد مما حدث.
تشوية سيارة أسامة منير
ونشر الإعلامي أسامة منير فيديو عبر صفحته الرسمية بموقع تبادل الصور والفيديوهات “إنستجرام”، وظهرت فيه عربيته المرسيدس وهي ملطخة ببعض نقاط البوية.
وقال أسامة منير في الفيديو: ”في طريقي وأنا جاي تحت كوبري المرغني كانوا بيدهنوا السور وفوجئت إن العربية غرقت كلها بوية من اللي بيدهن فوق“.
وتابع: ”إيه المطلوب مني.. أروح اصلح عربيتي ولا أرفع قضية على رئيس حي مصر الجديدة ومحافظ القاهرة وأطالبهم بتصليح عربيتي والإقالة لأنهم ميستحقوش هذه المقاعد.. هما بيدمروا عربيات بملايين وفي استهتار بحياة الناس عشان يدهنوا الكوبري”.
وأضاف: ”أوجه ندائي لمين.. سايبين ناس متعرفش ومبتفهمش أي حاجة تدهن الكوبري ويخربوا بيوت الناس واحنا في أزمة اقتصادية طاحنة فلما تعملوا كده فى حاجة الناس الأحسن تقعدوا في بيوتكوا تلبسوا جلاليب مقلمة وتسيبوا المقاعد لناس تستحقها”.
واختتم منير حديثه: أطالب رئيس الوزراء بإقالة محافظ القاهرة ورئيس حي مصر الجديدة، وليه الإهمال والاستهتار.
https://www.instagram.com/reel/CqXsVokDotx/?igshid=YmMyMTA2M2Y=
