محمد رجب: كنت مريض نفسي.. واشتغلت كومبارس فترة كبيرة
أكد النجم محمد رجب، أنه عمل كومبارس لفترة طويلة خلال مشواره الفني، حتى رأته المخرجة الكبيرة إيناس الدغيدي، قائلا: "فيه فترة كبيرة اشتغلت فيها كومبارس واتبهدلت لغاية ما إيناس الدغيدي شافتني بعد رحلة يأس كبيرة وكانت شافت صورة ليا".
وأضاف رجب، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، أن المخرجة إيناس الدغيدي أعجبت بصورته وطبقة صوته، متابعا: "قالت لي عايزاك معايا في فيلم وكنت أول اكتشاف مع هند صبري وأحمد عز في فيلم مذكرات مراهقة".
وتابع: "لم أهتم قوي بالدور ولكن كنت عايز أخذ خطوة بعد رحلة عذاب ومهانة ولكن مع تكرار دور الشرير كان في نظرة للناس ليا أني شرير وكنت مش بحب كده، ومقوماتي النفسية مش قادر اتقبل الكراهية المطلقة، وتوقفت ومكنتش عايز أكمل كده، ونجحت في كل أدواري، وظهوري لدور الشرير كان ناتج عن اعتذارات ناس".
حقيقة تعرض محمد رجب لمرض نفسي
وعلق النجم محمد رجب، على حقيقة ذهابه لطبيب نفسي لمعاناته من مرض نفسي، قائلا: "كلنا تعبانين نفسيا والحياة فيها حاجات كتير تخليك في تناقض وغيره، وفكرة إنك كويس علطول مش هتوصل لحاجة، وعندي مشاكل كتير وكنت منظم لأبعد حدود".
وأضاف أنه عكس عاداته المنظمة، وأصبح مهملا لأبعد الحدود، متابعا: "عكست النظام بالإهمال ووصلت لمرحلة المرض وأنا اللي عالجت نفسي وعملت العكس لحد ما تقبلت الوسط".
وأشار إلى أنه لا يكره الستات كما يشاع عنه، قائلا: "مش بكره الستات ولا أرفض أخد منهم أوامر، وبحب الستات بداية من احترامي لأمي، مين غبي يكره الستات؟ كل الحكاية إن أول تعيين ليا كنت عرفت إن مديرتي ست فرفضت التعيين وحسيت إن مستقبليا ممكن يحصل حاجة تعمل مشاحنات ومشاكل وشخصيتي وقتها يمكن مكنش عندي استعداد وقتها، وكانت أول تجربة في الحياة العملية وكنت مش مستعد اخد أوردر من ست والعقدة دي اتحلت".
موضوعات متعلقة
