حمو بيكا يهاجم حسن شاكوش: مغرور وأنا اللي عملته
تحدث مؤدي المهرجانات حمو بيكا عن علاقته بالمطرب حسن شاكوش، مؤكدا أنه هو الذي أتاح له فرصة الشهرة والنجومية والنجاح من البداية.
وقال: "أنا المدرسة اللي طلعت حسن شاكوش، حسن شاكوش مغرور ومتكبر على الناس، وأنا أفضل أن أكون طيب بعيدًا عن أن أكون شراني، وأنتا مش صغير، ولما بعمل حاجة بعملها من دماغي".
وأضاف خلال حواره مع الإعلامية بسمة وهبة، مقدمة برنامج "العرافة" على قناتي "المحور" و"النهار": "حسن شاكوش كداب، أنا المدرسة اللي طلعت حسن شاكوش، حد صاحبي كلمني وأنا مكنتش أعرفه فصاحبي قالي ساعده واقف جمبه، قولتله حاضر وكلمته، هو مكنش عنده استوديو، وهو مظهرش غير معايا، والناس معرفتوش غير معايا".
حمو بيكا وحسن شاكوش
وتابع: "مفيش حد أحسن مني، والناس كلها عارفة مين اللي طلع حسن شاكوش، أنا اللي طلعته للنور.. وأول أغنية عملتهاله جابت 15 مليون، حسن شاكوش لما اتشهر والغرور أخده مني بقى بيشتغل لوحده، وأنا اللي قفلتله بنت الجيران وأنا اللي فتحتها عشان حصلت مشاكل، وجاب ناس تتوسط.ز كل أغانيه بتاعتي".
وواصل: "حسن بيحب السهر ومش بيحب الشغل وأنا مش بسهر، وهو مش مركز في شغله ووقع، وهو مش محبوب ولا مشهور أكتر مني، ورحتله الفرح عشان هو صاحبي ولازم أجامله، وبيقوله كله جاله مجاملة من غير فلوس، أمال هو دفع كل دا في ايه.. أنا اللي طلعت حسن شاكوش للنور ولما اتشهر الغرور خده مني".
ويعد برنامج «العرافة»، امتدادا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.
موضوعات متعلقة
