حمو بيكا: لو مش هغني في الكباريهات هغني فين.. وده شغلنا ومش بنعمل حاجة حرام

حل مؤدي المهرجانات حمو بيكا، ضيفا في برنامج العرافة، تقديم الإعلامية بسمة وهبة، وكشف العديد من الأسرار، ورد على قرار نقيب الموسيقيين مصطفى كامل، بوجود فرقة موسيقية مع كل مطرب، وبجانب ذلك كشفه عن غنائه في الكباريهات.

حسن شاكوش في العرافة 

وعلق بيكا عن غنائه بفلاشه قائلًا: "محصلش.. مكنتش أعرف يعني إيه رقابة ولا مصنفات، وكنا محتاجين زي مصطفى كامل، ولما دلوقتي الأغنية بتجيب 200 ألف مشاهدة مش بزعل، ومصر كلها بتغني مش إحنا بس".

وعن رأيه في الغناء بالكباريهات، أضاف بيكا: : "اه بغني في الكباريهات ولو مش هغني في الكباريهات هغني فين؟! وده شغلنا واحنا مش بنعمل حاجة حرام، وربنا بيرزقني ولو ده شغل غلط مكنش حد طلع".

وسألت الإعلامية بسمة وهبة، مؤدي المهرجانات حمو بيكا، العديد من الأسئلة المحرجة خلال الحلقة، حيث قائلة:" كان يستمع إليك أكثر من 70 مليون، والآن تراجعت بشكل كبير.. أنا شايف إن قرار نقيب الموسيقيين مصطفى كامل فضحكم وحطكم في مقامكم.. فأنتم لا تنجحون إلا بالخلطة القديمة".

وقال حمو بيكا، :"أنا المدرسة في الغناء .. إيه المشكلة إنها فشلت.. علمت ناس، وناس طلعت وظهرت.. "، لترد بسمة وهبة:" مدرسة فاشلة..  بعض الأغاني لا تتجاوز 200 ألف مشاهدة".

مازح شيخ العرافين، مؤدي المهرجانات حمو بيكا، قائلًا "تعرف تروح ولا أجي أروحك.. هتطلع على فيلا التجمع ولا الإسكندرية.. مش بتروح تقعد مع حسن شاكوش في فيلا التجمع؟".

ورد حمو بيكا خلال:"والله وقعت مشكلة بيني وبين زوجتي، بسبب حديثي عن حسن شاكوش، وقلت لها ممكن فعلًا حسن يكون بيروح فيلا التجمع".

بدورها قالت بسمة وهبة، "مش لاقي ليك سر أكشفه.. مش عاوزه خراب بيوت أكتر من كدا عشان إحنا في رمضان"، ليرد بيكا، :"خراب أكتر من كدا؟.. شيخ العرافين مش هيورد على جنه.. مراتي قالتلي إنت بتروح لفيلا حسن شاكوش.. وقلتلها والله ما حصل انا من هنا على البيت على طول".

ويعد برنامج «العرافة»، امتدادا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.