محمد فؤاد: خضعت لـ 3 جراحات حتى أخسر وزني

قال الفنان محمد فؤاد، إنه خضع لـ 3 جراحات حتى يخسر وزنه، موضحًا: "ليه الناس بتخبي إنها عملت تكميم؟! إيه العيب؟!".

تصريحات محمد فؤاد في برنامج العرافة مع بسمة وهبة

وأضاف "فؤاد"، خلال حواره مع الإعلامية بسمة وهبة مقدمة برنامج "العرافة"، على قناة "المحور"، وقناة "النهار": "ما المخزي في الإعلان عن عمليات التكميم؟ مش فاهم المجتمع بتاعنا عاوز يروح لفين؟! مجتمعنا بقى يتلون لطباع معتقدش إنها هتروح للخير؟!".

وتابع: " كنت خايف من التكميم، وكل ما آجي أعملها ابني عبدالرحمن يقولي متعملهاش يا بابا عشان خاطري، لكن أنا مؤمن بالله وعارف إنه لن يصيبنا إلا ما كتب الله لنا، عمري ما دخلت عملية خايف، كنت بفكر في عيالي وإن ربنا يكتب لي السلامة، وفي الآخر عملتها وابني جالي المستشفى بعد ما عملتها وعيط شوية".

وتطرق خلال اللقاء، إلى الحديث عن مشاركته في برنامج المقالب "رامز نيفر اند" على قناة إم بي سي مصر، لأنه يحب مقدمه الفنان رامز جلال، موضحًا: "الموضوع مش فلوس بس، أنا مش محتاج أروح لرامز عشان آخد فلوس".

وأضاف: "رامز جلال ابني، رامز أبوه موصيني عليه قبل ما أموت، أبوه كان آية من آيات ربنا، راجل جميل جدا، وهو واخوه ياسر اخواتي، قرأت الفاتحة مع نسايبه وشاهد على زواجه، وبالتالي الموضوع أبعد من إني أروح عشان آخد فلوس من رامز".

https://www.facebook.com/MehwartvChannel/videos/245464667879018/