طليق رانيا يوسف: أنا اديتها كل حاجة أعمل إيه تاني

رد محمد مختار على اتهامات طليقته الفنانة رانيا يوسف، بأنه لا يصرف على بناته، وكشف سبب اختياره الإنتاج لـ نادية الجندي بدلا من رانيا يوسف زوجته، في تصريحات تلفزيونية.

رد محمد مختار على رانيا يوسف 

وذكر محمد مختار: "أنا على مدى 5 سنين مردتش على رانيا يوسف ولكن الموضوع زاد، وأنا اديتها كل حاجة أعمل إيه تاني ومعايا مستندات فيها ختمي وبصمتي وحزين إني طالع أقول كدا".

وعن سبب تفضيله الإنتاج لنادية الجندي عن زوجته، قال محمد مختار: "أنا فضلت الإنتاج لـ نادية الجندي عن رانيا يوسف لأنها الحصان الرابح وكان بقالنا 22 سنة مكسرين الدنيا، يبقى أغيرها ليه؟".

وكانت قد هاجمت رانيا يوسف طليقها محمد مختار في تصريحات تليفزيونية قائلة: "محمد مختار بيقول إنه بيصرف على بناته، طب أنا ليه رافعة قضية نفقة؟ وكان بيدي 1200 جنيه وبيمن على ولاده بيها وبيدفع المبلغ دا شهريًا وقررت ألجأ للقانون بعد ما تعبت من كتر ما بقوله أنت والد بناتي ومسئول عنهم ولازم تصرف عليهم وريقي نشف معاه".

وواصلت رانيا يوسف: "وأنا بصرف على بناتي حاليا وفيه فرق إني بطالب الأب أنه يعمل مسئولياته وإني مش عايزة أصرف، بالعكس أنا بصرف عليهم عادي".

كما سبق وتطرقت رانيا يوسف للحديث عن سبب إنتاج طليقها لـ نادية الجندي بدلًا منها، قائلة: "نادية الجندي مش مقياس للنجومية، وأنا عملت نجوميتي بنفسي ومحدش ساعدني حتى بمكالمة تليفون منذ دخولي مجال التمثيل".