على غرار رضوى الشربيني.. ياسمين رئيس للسيدات: الراجل لو جرح كرامتك متكمليش معاه
أكدت الفنانة ياسمين رئيس، أنها تفضل الابتعاد عن الرجل حتى لو تحبه إذا جرح كرامتها، قائلة: "ممكن أسيب راجل لسه بحبه عشان جرح كرامتي، أي ست راجل يجرح كرامتها لازم تمشي"، لتستكمل مازحة: "وفاضل إيه بعد الكرامة وكده فاضل الضرب".
تصريحات ياسمين رئيس عن لص بغداد
وأشارت، خلال حوارها ببرنامج "حبر سري"، مع الإعلامية أسما إبراهيم، على قناة القاهرة والناس، إلى أنها كانت خائفة من تجربة الكوميديا في فيلم لص بغداد، مضيفة: "أنا مش متعودة ولكن تفاجأت بردود الأفعال والزملاء في العمل، والفيلم خلاني اكتشتفت نفسي في الكوميدي".
وتابعت: "حبيت دوري جدا وحسيت أن عندي شكل تاني في التمثيل مشتغلوش قبل كده وقبل فيلم لص بغداد معملتش كوميدي خالص وكانت تجربة جديدة عليا، وأقدر أعمل فيلم كوميدي من أوله لآخره بطولتي أنا بس ولكن يجب الموضوع يكون كوميدي والسيناريو والممثلين شاطرين".
وأكدت الفنانة ياسمين رئيس، أنها غيرت الكثير من الصفات فيها بسبب ابنها الذي جعلها تحب الحياة أكثر، قائلة: "أنا اتغيرت عشان ابني واعتبره راجل، وهو غير فيا حاجات كتير وخلاني أحب الدنيا أكثر وأكثر، إيمان وتفاؤل بإن كل حاجة هتبقى أكسن طول ما هو موجود".
وأضافت الفنانة أن لديها إحساس بالمسؤولية طوال حياتها ولكن إحساس الأمومة جعلها أكثر حنية، متابعة: "اكتشف حاجات فيا مكنتش موجودة والناس".
وواصلت: "بحب أبقى ترند بأعمالي مش بحياتي الشخصية ولكن موضوع الترند مش حاجة حقيقية قوي، والناس بقت عارفة الترند، فيه ناس بتعمله وشركات ماسكة الموضوع ده ودول بحالها دخلت في موضوع الترندات".
