علا غانم تهاجم طليقها: مهري كان جنيه.. وكلامه عني شرشحة وفضايح

حلت الفنانة علا غانم ضيفة على بسمة وهبة في العرافة، وذكرت العديد من التصريحات بشأن زوجها السابق، حيث هاجمت زوجها السابق، بعدما قال إنها بخيلة وتخاف من إنفاق الدولار الواحد.

وردت غانم، على تصريحات زوجها السابق عنها، قائلة: "دي اسمها شرشحة وفضايح، إيه ده؟! المفروض أرد على الكلام ده ازاي؟َ! أرد بفضايح تانية؟! مش هنزل لهذا المستوى المتدني".

ووجهت حديثها للمذيعة: "أنا اتفقت معاكِ على إننا مش هنتكلم في الموضوع ده، لكن انت قلتي لي هسأل سؤالين عشان الناس عاوزة تسأل حاجات، لكن انت سألتي أكتر من سؤالين، كأنك بتروجي لأكاذيبه، وعموما أنا مش هصرف على راجل، أصرف على راجل ليه؟! هو أصغر مني؟! ده أكبر مني بـ15 سنة".

تصريحات علا غانم عن زوجها

وقالت الفنانة علا غانم، إنها كانت تمنح زوجها السابق 4 آلاف دولار، بالإضافة إلى ثمن تأمين السيارة، معلقة: "كل ده مقابل شغله في الشركة بتاعتي وإنه كان بيعمل اللي أنا عاوزاه، ومش عاوزة أتكلم عن وضعه المادي في الوقت ده".

وأضافت: "مهري كان جنيه، ومكنش عنده سلاسل مطاعم في الولايات المتحدة زي ما قال، وعندما التقيته قال لي إنه كان يمتلك مطعما وباعه، وكان يمتلك محطة بنزين وباعها، ونزل مصر معملش أي حاجة غير إنه أجر محطة بنزين وعمل فضيحة كبيرة بسبب غش البنزين".

وذكرت أن طليقها مصري صميم وينحدر من منطقة السيدة زينب بمحافظة القاهرة، نافية التصريح المنسوب إليها عند الزواج منه: "تزوجت من أمريكي خالٍ من العقد".

وواصلت: "طليقي لديه أبناء مصريين وأبناء أمريكيين بديانات مختلفة لأنه تزوج من 3 سيدات ذوات ديانات مختلفة".

تصريحات علا غانم في العرافة 

وتابعت: "لم أكن مضطرة إلى الزواج منه، لكنني كنت أراه يحبني ويحرص عليّ، عاملني بشكل جيد في الأشهر الأولى، ثم تغير كل شيء بعد ذلك، وعندما امتدحته مع لميس الحديدي كنت أكذب، فقد كنت أتحدث عن الأشهر الأولى فقط، فقد كنت أريد أن يطلقني في هدوء، أنا جريئة ولكني لم أرغب في البوح بالحقائق، لكن ما كان يحدث شيء يكسف ويعر، مفيش أي حاجة لطيفة في الموضوع ده".

وزادت على حديثها، أنها كانت تناضل على مدار السنوات الست الماضية حتى يطلقها زوجها، حيث حاولت عقد اتفاقيات معه، لدرجة أنها عرضت عليه أن تمنحه نصف ثروتها مقابل الطلاق، لكنه رفض أن يطلقها، معقبة: "رفض يطلقني عشان كان بيشتغل عندي في الشركة، وقالي هروح فين وهعمل إيه، كان بيصعب عليّ وكنت أتمنى إن الموضوع ده ينتهي في هدوء عشان يعرف يكمل حياته، وعندما اختلست في شهر أكتوبر وجئت إلى مصر اختلس من الشركة 450 ألف دولار".

وذكرت أن زوجها ابتزها بصور وفيديوهات، قائلة: "شخصيته الحقيقية ظهرت منذ 6 شهور، عشان اكتشف إني مصممة على الطلاق، وقالي هفلسك وهخليكي في الشارع مش لاقية تاكلي، وهو يقدر يعمل ده".

واستكملت: "عقد البيت باسمي ورغم كده طردني منه وضربني أنا وأمي، أمي اتضربت بالشوم، وكان بيبرمني من الروب بتاعي، وكل ده بمساعدة أصدقائه وشلته وكان معاه 5 أو 6 سيدات عملت بلاغ واتعملي أمر تمكين، لكني مش هعيش مع واحد مش بحبه ورفضاه بقالي سنوات، أجرت له بيت في أمريكا عشان يعيش فيه".