حسن شاكوش ردا على بيكا: أنا سايبك لما تشوفني تقولي حبيبي ولما حد يخبط فيا تشيرله

عبر مطرب المهرجانات الشعبي حسن شاكوش، عن غضبة خاصة بعدما ظهر حمو بيكا في أحد البرامج وهو يقول "أنا المدرسة اللي طلعت حسن شاكوش".

تصريحات حسن شاكوش 

ووجه شاكوش رسالة شديدة لمن يهاجمه، مؤكدًا أنه ليس لأحد فضل عليه في الوسط الفني، مشيرا أنه يمتنع عن الحديث بسبب أعماله الفنية التي يركز عليها.

وذكر حسن شاكوش خلال لايف نشره عبر حسابه الشخصي بموقع تيك توك: "اللي هيطلع بعد كدة ويجيب سيرتي في حاجة، أنا سايبك لما تشوفني تقولي حبيبي ولما حد يخبط فيا تشيرله وأنا عمري ما احتاجت حاجة من حد في الشغلانة دي حتى لو هشحت".

وتابع: "أي حد هيطلع يجيب سيرتي في أي برنامج أنا مابعتمدتش حد في الشغلانة دي ومش معنى كدة أني غلبان ومبتكلمش، لا أنا ساكت بس عشان أكل العيش وعشان أنا محترم مع الناس وأنت عارف".

وأضاف: "أنت عايزني أجيب سيرتك عشان تتشهر وتشتغل أنت مش هتشتغل، ودماغي لما بتهرب مني اللي بيجي على سكتي بدوسه، لو خيالك فكر إنك تطلع تتكلم عليا تاني لو كان راجل كبير أو صغير بتكلم في المجال مش بره لو خيالك وزك".

وكان قد أثار مؤدي المهرجانات حمو بيكا، الجدل على مواقع التواصل الإجتماعي، بعدما تحدث ساخراً، من سبب شهرة شاكوش، خلال حواره في برنامج العرافة، قائلًا:" أنا المدرسة اللي طلعت حسن شاكوش، هو مكنش عنده استوديو وهو بيحط ممول عشان أغانيه تجيب مشاهدات، أول أغنية عملتها لحسن شاكوش جابت 15 مليون مشاهدة، وأنا اللي طلعته للنور ولما اشتهر والغرور خده مني بقى يعمل أغاني لوحده".

وتابع: "حسن شاكوش بيحب السهر مش بيحب الشغل.. أنا بشتغل مش بسهر وهو مش مركز في شغله.. أنا العالم كله يعرفني ولكن هو لأ.. وساب مراته وراح بيسهر ومراته بتنصحه بتقوله انزل اشتغل".

كما علق حمو بيكا، على تصريحات حسن شاكوش بأن حفل زفافه تكلف 4 ملايين جنيه، قائلًا: "فرح حسن شاكوش متكلفش 4 مليون جنيه ده كذاب، اتكلف 300 ألف جنيه.. وفرحي اتكلف 50 ألف جنيه وبعد ما عملت جمعية".