زوجة حمادة هلال: شخصيته قريبة من المداح والرقية الشرعية أساسية بالنسبة له
حقق مسلسل المداح 3، نجاح كبير خلال موسمه الثالث الذي يعرض حاليا في دراما رمضان 2023، وعلقت أسما سميح زوجة الفنان حمادة هلال، على نجاح زوجها في هذا الموسم الرمضاني.
تصريحات زوجة حمادة هلال عن مسلسل المداح 3
وأشادت أسما زوجة الفنان حمادة هلال، بنجاح مسلسل المداح، وأشارت إلى أنه بذل جهدًا كبيرًا في هذا العمل، وتلك الشخصية، ولكنها أوضحت أنه تقمص الشخصية بشكل كبير، لكن هذا لم يؤثر على حياته الشخصية وتعامله مع أسرته.
وتحدثت أسما سميح، عن زوجها حمادة هلال، في فيديو لها مع الإعلامية سهير جودة، خلال فيس بوك، قالت فيه: "أنا كل يوم بيجيلي المداح عادي، بيبقى سبونج بوب، وأنا مش بخاف وبكون مطمئنة".
وتابعت: "حمادة هلال شخصيته قريبة من شخصية المداح، وهو متدين بطبعه وهادئ جدًا، ودايمًا بيذكر ربنا، والرقية الشرعية أساسية بالنسبة له، مش حاسة أن في فرق بين حمادة والمداح، وعشان كده هو لايق على الدور، هو المسلسل صعب وتصويره صعب، وفريق العمل كله عامل مجهود كبير، مسلسل صعب والحمد لله ان الناس مبسوطة منه".
تصريحات زوجة حمادة هلال عن المداح
وأضافت زوجة حمادة هلال: "المسلسل جميل جدًا، وجرعة الخوف بسيطة مش عالية أوي، زي ما الناس متخيلة، وبنصح الناس تتفرج عليه في تجمع عائلي مش لوحدهم عشان ميخافوش، وبلاش تتفرجوا عليه بليل، أنا مؤمنة بالجن، لأن ربنا ذكره في القرآن مؤمنة بوجودة، بس وجهة نظري أنه مش موجود كتير حوالينا، أو ممكن يكون موجود لكن لا نشعر به أنا مؤمنة بربنا، ومؤمنة أن ربنا بيحافظ علينا، حصنوا نفسكم بس".
