تامر حسني: تعرضت للإهانات ودخلت حروبا كثيرة في بداياتي

تحدث الفنان تامر حسني، مع متابعيه عبر فيسبوك، وذلك من خلال رده على بعض التعليقات الخاصة بهم، إذ تحدثوا عن الإحباط واليأس الذي يلازمهم في حياتهم.

تامر حسني يرد على متابعيه على فيسبوك

ووجهت متابعة للفنان رسالة، قائلة: المشكلة إن فيه حاجات مش هينفع تبتدي فيها من الصفر لأن هي من البداية عالية أوي ومتعرفش إيه هي الصفر، يعني عشان تدخل فيه وتبدأ حلم عمرك لازم تكون كبير، أنا بقى صغير جدا ومش عارف أكون كبير علشان أدخل أبداء حلمي، سعتها أعمل إيه؟ أرمي نفسي من فوق ترابيزة السفرة ولا أكهرب نفسي من نجفة الأنتريه؟ مع العلم مش بتريق أنا بتكلم جد وجد جدا ودمتم".

ورد تامر حسني عليها: “أنا مر عليا كل الأحاسيس دي زمان مع كمية إهانات كبيرة من ناس غير مقتنعة بيا كانوا بيوصلوا دايمًا إني نكرة وإني قليل، وعمري ما هوصل، بس دايمًا كنت بقول مادام غيري نجح يبقى أنا هقدر وأحاول تاني وملیون، ويتقفل باب أخبط على 10 غيره لحد ما ربنا كرمني”.

وأضاف: “وبعد كرمه ليا دخلت في صعاب وحروب تانیة برضو تهد جبل وبنيتي الكويسة وعدم الإساءة بالإساءة، وبالتركيز في ورقتي فقط يعني شغلي بس، عرفت أتغلب على كل الصعاب دي والحياة كده عايزة مقاتل”.

كما رد تامر حسني على تعليق آخر من إحدى متابعيه التي كتبت فيه: "تصدق إن أنا كل حياتي كانت عبارة عن حلم يقظة طويل مش بيخلص مع عقلي الباطن وسبحان الله كل أحلامي اتحققت لكن في الأحلام فقط يا تامر لحد ما عمري فات مع الأسف الشديد والحمد لله على كل حال ضاع العمر يا ولدي".

وقال تامر حسني، عن قصة كنتاكي وكيف تحول صبره لحلم كبير: “يا أم عبد الرحمن أنا الحقيقة معرفش ظروفك ولا سبب يأسك الكبير، بس عايز أقول لك قصة صغيرة كان في ولد صغير اسمه كولونيل ساندرز”.

واختتم: “كان بيحلم أنه يكون مميز في طعم الأكل لأنه بيطبخ كويس فراح بيمشي بعربية فراخ يبيع في الشوارع لحد سن 70 سنة مش بيأس ولا بيُحبط، وفجأة ربنا أراد له بقدرة كن فيكون أن الناس تحب خلطة الفراخ اللي بيعملها فيشجعوه يعمل محل صغير بدل العربية”.