غادة عبد الرازق: كان تحدي ليا إني ألعب 3 شخصيات في تلت التلاتة

ذكرت الفنانة غادة عبد الرازق الأسباب التي دفعتها لتقديم مسلسل تلت التلاتة، خاصة بعد الأحداث العديدة التي شهدها صناع العمل من تأجيل، كما كشفت عن كواليس تصوير المشاهد التي تجمع الثلاث شخصيات التوأم بالعمل، وقدمت رسالة للسيدات اللاتي  تتعرضن للخيانة.

تصريحات غادة عبد الرازق عن تلت التلاتة 

وقالت غادة عبد الرازق في تصريحات تليفزيونية، عن الأسباب التي دفعتها لتقديم تلت التلاتة: "اللي شدني فيه إنه مكتوب حلو أوي وفكرة الثلاث شخصيات التوأم حمستني، لأن كان اتعرض عليا كتير زمان إني أجسد فكرة التوأم بس كانوا بيبقوا اتنين بس، فكنت بشوفها مستهلكة أوي ومفيهاش جديد أقدمه للناس".

وأضافت: "وتمسكت جدا إن الـ3 التوأم يبقوا شبه بعض شكلا في كل حاجة، وأنا شوفت ده في الحقيقة إن يكون توأم نسخة من بعض في الشكل والتعامل، وحسيت إن منطقة التشويق دي شبهي لأني نجحت فيها زمان الحمدلله".

وأضافت غادة عبد الرازق: "وشدني إن الدور فيه تحدي إني أعمل 3 شخصيات توأم نسخة من بعض خارجيا، لكن مختلفين تماما داخليا، فـ ده كان تحدي لـ غادة عبد الرازق إني ألعب 3 شخصيات، ومن ضمن صعوباته إن في المشاهد اللي بتجمع الشخصيات دي مع بعض ببقى واقفة بمثل ومفيش حد قدامي".

وتحدثت غادة عبد الرازق للحديث عن كيفية تصوير مشاهد التوأم، وقالت: اللي بيحصل إن مثلا يبقى مشهد فيه الـ 3 شخصيات مع بعض، بلبس الأول لبس فريدة وأدخل أقعد على الكرسي مكانها، وأبص في اتجاه فرح وفريال وأكلمهم، وبعدين ألبس فرح وفريال وأتكلم في اتجاه الاتنين التانيين، وببقى شبه المجانين قدام فريق العمل.

أبطال مسلسل تلت التلاتة
 

ويشارك في بطولة مسلسل تلت التلاتة الفنانة غادة عبد الرازق، محمد القس، أحمد مجدي، ليلى أحمد زاهر، وغيرهم.