يسرا: القدر بيغير مسار حياة الإنسان والسوشيال ميديا صعبت الدنيا

حلّت الفنانة يسرا ضيفة على برنامج طريق ثالث، تقديم المذيعة إيناس سلامة الشواف، على راديو إنرجي 92.1، وذكرت العديد من التصريحات عن حياتها الشخصية والفنية، وعبرت عن رأيها في السوشيال ميديا.

تصريحات يسرا في راديو إنرجي 

قالت يسرا إن القدر أحيانا هو من يغير مسار حياة الإنسان، قائلة: "أحيانا بنمشي في طريق تالت وبيكون القدر هو السبب، وده نعمة من ربنا إنك تمشي بطريق أحسن من الطريق اللي كنتي عايزاه".

وقالت يسرا أن والدتها أثرت فيها بشكل كبير: "والدتي أثرت فيا بشكل كبير جدًا، وتعلمت الكثير من أساتذة اشتغلت معاهم على مدار السنوات الماضية الشغلانة دي غنية جدًا وصعبة تخليك تتعلم الكتير".

وذكرت أنه يوجد العديد من الأشخاص السلبية في حياتهم: "ممكن تتصدمي خلال رحلتك في ناس وإنهم يكونوا بالشر ده بس للأسف موجودين في حياتك، وهنا لازم توقفي وقفة مع نفسك علشان تحصني نفسك إنك تتوجعي".

الشخصيات المؤثرة في حياة يسرا 

وعن الشخصيات المؤثرة في حياتها، قالت: "والدتي أثرت فيا وفي تعليمي كان ليها الفضل الأول والأخير في حياتي، وفي المدرسة كنت أحترم جميع المدرسين ولكن كنت أخاف من مديرة المدرسة وفي النفس الوقت علمتني أشياء كثيرة".

وبسؤالها عن شخصيات تاريخية أثرت فيها، قالت يسرا: "أنا بشوف أن التاريخ بيعيد نفسه في مشاكله والفجوات اللي بتظهر والنجاحات والإخفاقات زي ما هتلاقي على مر التاريخ قصص عن الخيانة والحب وكل المعاني هتلاقيها في الوقت الحالي مع اختلاف الشخصيات والمواقف".

اختيار يسرا للشخصيات التي تقدمها 

واوضحت يسرا: "أنا لما بختار الشخصية بيكون فيها جزء مني أو إنك مريت بتجربة مع شخص بنفس المواصفات، أحيانًا كتيرة في المعالجة الدرامية بنحاول نخفف الشخصيات وبعض الحاجات بنزودها علشان تأثر في المشاهد".

رأي يسرا في السوشيال ميديا 

وعن تأثير السوشيال ميديا، قالت: "أنا محددة استخدامات السوشيال ميديا مش بالمشاهدات ولا بالشير، وكمان السوشيال ميديا لا تستخدم في السبب الرئيسي لوجودها وهي الحصول على المعلومة الحقيقة، السوشيال ميديا كانت موجودة علشان تسهل الدنيا ولكنها صعبتها".