عمرو حسن يعتزل إحياء الحفلات بعد استمرارها أكثر من 10 أعوام

أعلن الشاعر عمرو حسن، اعتزاله إقامة حفلات، حيث تتوقف حفلاته الفترة المقبلة، مؤكدًا أن الحفلة القادمة ستكون آخر حفلة في مسيرته الفنية.

عمرو حسن يعتزل الحفلات

وأوضح الشاعر عمرو حسن حقيقة اعتزاله وإلغاء حفلاته الفتره القادمة، عن طريق نشره فيديو عبر حسابه الرسمي بموقع التواصل الاجتماعي فيس بوك، قائلا: "أنا عمرو حسن شاعر بعمل الفيديو ده علشان أوضح نقطة توقف قطار حفلاتي اللي استمر أكتر من 10 سنين رفقة مجموعة كبيرة من الفنانين، وكل الناس المحترمة اللي كانت معايا، أنا حابب أوقف تمامًا حفلاتي، وكنت بعمل الحفلات علشان كنت مبسوط، وحاسس إني معنديش حاجه أقدمها والفترة دي مش مبسوط".

سبب اعتزال عمرو حسن حفلات الشعر 

وأضاف: "عادي أتبسط بحاجات تانية وأتفرغ لحياتي الخاصة، بعيدًا عن الحياة الفنية، بحب الحاجات اليدوية، وأعمل الحاجة بنفسي، أدي وقتي لنفسي وكلابي وصحابي، وأكون حياة عاطفية وأسرية، وحاسس إني كان عندي حاجة أقدمها وقدمتها".

وتابع: "أنا خلصت دلوقتي ومش عايز أعمل حفلات تاني، ومش عايز أقف على المسرح تاني، والحفل الجاي هو الأخير، وهكتب شعر وأنزلكم شعر، بس حفلات توقف القطار بشكل نهائي".

واختتم عمرو حسن: "بشكر كل الناس اللي حضرت حفلاتي الـ 10 سنين اللي فاتت، واللي حابب حاجة يعملها، والواحد حاسس بيحب إيه ومبيحببش إيه، أي خيط ممكن تقصه بس تمسك أوله".