ارقصوا وشغلوا أغاني.. تامر حبيب يكشف عن وصيته
علق السيناريست تامر حبيب، على انتقاده بسبب حضوره حفل زفاف في الجونة يوم وفاة الفنان الكبير سمير غانم وتخلفه عن حضور الجنازة، قائلا: "الله يرحم سمير غانم لو كان العكس كان ممكن يعمل كده وكان بيموت في البهجة، وأنا كنت في فرح في الجونة وللأسف الشديد كنت هحضر الصبح الجنازة وأرجع على الفرح بالليل".
ووجه تامر حبيب، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، رسالة قائلا: "كتبت وأكرر كلامي يوم لما اموت اللي بيحبوني كلهم يعملوا حفلة كبيرة على سيرتي ويشغلوا الأغاني اللي بحبها ويفتكروا المواقف اللي ضحك ويرقصوا ويتبسطوا وهكون أكثر واحد مبسوط في الدنيا".
وتابع: "فكرة أني رحت الفرح مش معناه أني متوجعتش على فراق سمير غانم وكان في علاقة بينا علاقة حب شديدة وكان صديقي ونلت شرف أني اشتغل معاه في شربات لوز، وأنا عارف أنه مش مضايق وأي حدا تاني يولع وأولاده مش زعلانين".
تامر حبيب: رجعت أصلي من أول رمضان
أكد السيناريست تامر حبيب، أنه لم يستوعب حتى الان وفاة أمه حتى بعد وفاته بخمس سنوات، قائلا: "مش عارف اعبر عن احساسي وحتى الان تأتي لحظة أنسى أنها توفت وأول مرة انسى ذكرى وفاة أمي كان السنة دي وكنت مرتاح شويه لأني قلت أن محتاج الحياة تمشي".
وكشف تامر حبيب، عن كواليس لأول مرة عن مكالمة بينه وبين والدته قبل وفاتها، قائلا: "كانت أمي علطول توصيني لما اسافر أول لما أوصل اطمئنها عليا وكنت بنسى علطول أول لما سافر، وكلمتني مرة واثنين وبعدين قلت لها أنا في بيت حلو قوي وفي جنينة حلو قوي فقالت لي يا رب من بيت حلو لبيت أحلى ومن جنينة حلوة لجنينة أحلى ومن جو حلو لأحلى ولما توفت أيقنت أنها كانت بتقولي رايحة فين".
ووجه تامر حبيب رسالة لوالدته متأثرا: "أنا رجعت اصلى لأني كان بقالي شويه مش بصلى ورجعت أصلى من اول رمضان ومنتظم في الصلاة وصورتها في اتجاه القبلة صورتها وبحس كأننا بنصلى جماعة".
