محمد سامي: محمد رمضان قدراته غير عادية.. ومكنش عندي لـ مي عمر دور في جعفر

عبر المخرج محمد سامي عن سعادته بنجاح مسلسل جعفر العمدة بطولة الفنان محمد رمضان، والذي يعرض حاليا في دراما رمضان 2023، وكشف حقيقة العديد من الأسرار عن كواليس المسلسل.

تصريحات المخرج محمد سامي

وقال محمد سامي، خلال تصريحات لـ Et بالعربي: “الحمد لله جعفر العمدة حقق النجاح اللي الواحد تمناه وأكتر كمان، وتفاعل معاها العالم العربي، وجعفر العمدة منجحش كدة بالصدفة فيه حوالي 800 شريك في نجاح المسلسل ده”.

وأضاف سامي: "بيننا أنا ومحمد رمضان كيمياء واستيعاب في الأفكار، ومش كل الممثلين اللي بيشتغلوا معايا ممكن أطلب منهم نفس الطلبات اللي بطلبها من رمضان في التمثيل، لأن قدراته غير عادية، بكتب وأنا مرتاح ومحمد بيجتهد معايا الحاجة اللي ممثل بيلاقيها لذلك بيسلم وبيثق في اللي أنا بعمله".

محمد سامي عن محمد رمضان  

وتابع محمد سامي: "أول حاجة قولتها لمحمد رمضان في شخصية جعفر العمدة، أن ده راجل جنتل شعبي، كنت بعمل شخص مبني على فكرة التناقضات وفيه العادات اللي تخلي الناس تتوحد مع الشخصية ويحبوها، وبيقدم العائلة ودي أهم حاجة فيه كبطل شعبي، وكلمت محمد مرة قبل التصوير بـ أسبوع قولته لو الشخصية متقدمتش بطريقة تدخل القلوب المسلسل ده مش هينجح، وكان بيبهرني هو ممثل مش عادي".

واختتم محمد سامي: "مصر مليئة بالنجوم وعامرة بالنجوم، ومحمد رمضان أشطر ممثل في مصر حاليًا وأكيد مش عايز حد يبقى زعلان، ولكن محمد رمضان قدراته التمثيلية مش عادية، وكل النجوم فوق راسي، ودايمًا هبقى منحاذ لـ محمد رمضان لأن أكبر نجاحاتي معاه، ومعتمدش عليه مرة وخذلني، ودايمًا أقول أدي لمحمد سنتي يرجع متر".

وعن سبب عدم تعاون المخرج محمد سامي مع زوجته مي عمر 
 

قال محمد سامى :"مسلسل حلو جدًا وعندهم كيميا حلوة في التمثيل والمسلسل معمول بشكل حلو أوي".

وعما إذا كان يتمنى وجود مي عمر في مسلسله الذي يعرض حاليا جعفر العمدة وأوضح: أما آجي أكتب فيلم رومانسي أو حاجة دايما بشوف مي بطلة في كتاباتي لأن أنا بتخيل بيها.

وتابع:"لكن ما كانش عمرنا هنشتغل السنة دي مع بعض، لأننا واخدين بريك طبعًا، وكمان ما كانش في جعفر العمدة وأنا بكتب شايف مي في أي دور من الأربعة، ما كانش عندي دور يمشيها خطوة لقدام، كان عندي أدوار هي عملت زيها قبل كده .