"بليد أو مواعيده مش مظبوطة".. محمد سامي يكشف سر انفعاله على الفنانين

رد المخرج محمد سامي، على ما أثير من جدل بشأن خلافاته مع الكثير من الفنانين الذي يعمل معهم، وأسباب انفعاله عليهم أثناء التصوير.

تصريحات محمد سامي 

وقال محمد سامي خلال تصريحات تلفزيونية: "لما بتعصب على ممثل بيبقى يا إما هو بليد، أو مواعيده مش مظبوطة، أو مش بيذاكر ولا بيحفظ، وده طبعا بيعطل زمايله".

وأضاف سامي: "هو كده هيفشل ويفشلنا معاه، ويبقى ممثل جاي متأخر ومش مركز ويسلب حقوقنا كلنا، وبتخانق معاه مهما كان مين ونجوميته قد إيه؛ لأن النجوم الحقيقيين أصلا محترمين، وعمري ما اشتغلت مع نجم كبير ومكنش محترم، دايما المشاكل بتيجي من أنصاف الفنانين".

وتابع: "أنصاف الفنانين اللي بييجي من وراهم مشاكل، بيبقى عايز طول الوقت يقول أنا نجم، فمش بيفكر في الشغل نفسه، ونجم زي محمد رمضان وأحمد السقا دول ناس تعلم جيدا إنهم نجوم وناجحين، فبيركزوا في شغلهم".

وأردف محمد سامي: "والنجوم دول أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنانين عادل إمام، والراحل محمود عبد العزيز، وأحمد عز، فالمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل بدولار واحد حتى".

رد المخرج محمد سامي علي تصريحات الفنانة زينه، بعدما قالت أنها لن تتعاون معه مجددا، بعد تجربتها في مسلسل جعفر العمدة، وقال :" طريقة شغلي مانسبتش قدراتها او موهبتها التمثيلية ، انا متعب في شغلي وبحب الناس تذاكر زياده وتحضر في مواعدها ممكن يكون دا بيوترها ".

حقيقة خلاف زينة ومحمد سامي 

ونفت زينة مؤكده أنه ليس هناك أى خلاف صريح مع محمد سامى، وهو الأمر الذى أكده أيضا مخرج “جعفر العمدة.

ونفى محمد سامي وجود خلافات بينه وبين الفنانة زينة بسبب تتر مسلسل "جعفر العمدة" وقال: "ليس لي علاقة بالتتر، تنسيق التتر يخص المنتج وتعاقد الممثلين مع الشركة المنتجة أنا يكون لي الإشراف في التترات على الشكل الفني".

وتابع: "لا يوجد أي خلاف إطلاقا زينة زميلة شاركت في المسلسل وقدمت دورها بشكل جيد جدا ولها كامل الاحترام وليس لدي خلاف مع أي شخص".

وكانت زينة ردت على أخبار وجود خلافات بينها وبين المخرج محمد سامي وذلك خلال لقائها في برنامج "حبر سري" وقالت: "معنديش نقطة خلاف مع محمد سامي، لكن مش هشتغل معاه مرة ثانية، ممكن أشتغل مع مخرجين آخرين".

زينة ترفض التعاون مع محمد سامي مجددا 
وحول سبب عدم حضورها سحور المسلسل، قالت زينة: "أنا كنت في العمرة، وده كان سحور عمله المنتج محمد السعدي لكل المسلسلات، وحتى لو كنت في مصر أنا مش بحب أخرج بعد ما أخلص تصوير، وأفضل أكون مع أولادي".