أحمد فهمي: هنا مراتي مبتعرفش تطبخ ومامتها ساكنة جنبنا بتبعت لينا الأكل

حل الفنان أحمد فهمي ضيفاً على «مساء dmc»، الذي تقدمه الإعلامية إيمان الحصري والمذاع على شاشة قناة «dmc»، وتحدث عن حياته الشخصية والفنية، وعلاقته بزوجته هنا الزاهد، وأخيه كريم فهمي.

علاقة أحمد فهمي وأخيه كريم

وقال أحمد فهمي: «كنت بحب ألعب أنا وكريم فهمي أخويا وإحنا صغيرين الكورة والكوتشينة، كريم فهمي من وهو صغير بيخاف على منظره وبرستيجه ودايما يجيلي أنا اللي اتخانق له وكان أهدا مني شوية بس أنا اللي متصدر له في أي مشكلة».

وأضاف: «العيد زمان كان أحلى وكنا بنخرج عند جدتي وعددنا 10 أحفاد، وبعد عصر السوشيال ميديا مبقاش في حياتنا عيد وكل حاجة باظت وعلى جروب العائلة بنكتب كل سنة وأنتم طيبين وخلاص، دلوقتي كل حاجة بقت مزيفة وأكتر ناس بتشتغل في رمضان الجماعة بتوع التريندات».

 خالد يوسف وسره الباتع
 

 وعن إنضمامه لمسلسله سره الباتع، قال فهمي إنه كان متعاقدا مع المنتج أمير شوقي لإنتاج مسلسل في رمضان، وتم التحضير لتصوير 5 حلقات، لكنه تلقى مكالمة تليفونية من المنتج تامر مرسي، وتم عرض عليه العمل مع المخرج خالد يوسف لتقديم شخصية «حامد» في مسلسل سره الباتع.

وتابع: «أنا أول واحد أقعد مع خالد يوسف واتكلمنا على المسلسل وسألته مين هيعمل حامد التاريخي قالي أحمد السعدني، أنا كان عندي تجربة في فيلم العارف واستطعت الخروج من الكوميديا بشكل آمن، ودا يمكن كان السبب أنهم يفكروا فيا لتقديم سره الباتع».

فيلم أحمد فهمي القادم

وواصل: «عندي فيلم السفاح قصة حقيقة عن سفاح الجيزة اللي اتقبض عليه هيتعرض بعد العيد».

وأضاف أحمد فهمي:"، أنه أيضا لا يجيد الطبخ، وأن أكثر أكلة يحبها هى الفسيخ والرنجة، وحاجات عادية زي الرز والفاصوليا والمكرونة بالباشاميل، والأكل البيتي عموما، لافتا إلى أن أكرم حسنى وأشرف عبد الباقى من أبرز الفنانين الذين يجيدون الطبخ.

وتابع: «نجم عمل عليا حملة في السوشيال ميديا خلال وقت ما، أثناء مسلسل رجالة البيت مع الفنان أكرم حسني وكنت مستغرب جدا من ذلك».

وواصل: «أنا عندي فريق سوشيال ميديا بس عمري ما هعمل حملة على حد، ولا أبالغ في إن مسلسلي مكسر الدنيا، السوشيال ميديا حوّلت كل حاجة لحاجة مش ملموسة ومزيفة جدا».

واستطرد: «النجاح في دراما رمضان 2023 بيبان في الشارع والموضوع مش محتاج التريند وفرق سوشيال ميديا، وأنا عندي فريق سوشيال ميديا بس عمري ما هعمل حملة على حد ولا هزيف حقيقة وأقول أنا رقم 1 في رمضان وأنا مش رقم واحد»
تحدث الفنان أحمد فهمي عن الأكلات المفضلة له، وتطرق حديثه عن زوجته الفنانة هنا الزاهد.

وتابع: «هنا مبتعرفش تطبخ، وفي ست بتساعدنا بتطبخ كل حاجة، ومامة هنا ساكنة قريب وبتبعت لنا أكل، وأثناء الشغل أكلنا دايما متلخبط».

كده رضا 2 
 

وأكد أحمد فهمي أنه سيكون هناك جزء ثاني من فيلم كده رضا، وكشف عن انشغاله في كتابة الجزء الثاني من فيلم كده رضا للنجم أحمد حلمي، لافتا إلى أنه سيخرج للنور قريبًا.

كما تحدث الفنان أحمد فهمي عن خروجه من الأدوار الكوميدية التي اعتاد الجمهور عليها خلال السنوات الماضية منذ بدايته.