المصريون العائدون من السودان: الروح ردت فينا.. ومصر مش بتنسى ولادها

وصل بسلامة الله إلى أرض الوطن عدد جديد من المصريين القادمين من السودان، بعد أن وجه الرئيس عبدالفتاح السيسي بإجلائهم  من البلد الذي يشهد اقتتالا داخليا بين الجيش وميليشيا الدعم السريع.

فرحة المصريين العائدين من السودان

وحرص عدد من المصريين العائدين من السودان على تقديم الشكر للقيادة السياسية على قرار عودتهم لأرض الوطن سالمين، خلال تصريحات لهم على شاشة "إكسترا نيوز".

وقال أحد المصريين العائدين من السودان: "الحمد لله روحنا ردت فينا تاني وإحنا كنا في وضع صعب جدًا، وإحنا مكناش متخيلين أن الطيار هيقدر يجي لنا في الحتة دي يعني بس الحمد لله رب العالمين، مصر مبتنساش ولادها".

وأضاف آخر: "أحلى فرحة فرحتها في حياتي أن ربنا نجانا بالقيادة المصرية، وتحيا مصر وتسلم القيادة المصرية، وربنا يبارك فيها وربنا يبارك في القوات المسلحة القوات العظيمة اللي عاملتنا معاملة كويسة خالص ومجهود جبار وممتاز ومشكورين عليه".

وقال ثالث: "بشكر رئيس الجمهورية القائد الأعلى للقوات المسلحة والقائد العام للقوات المسلحة، لأن الأمور ميسرة جدًا وسلسلة جدًا ومفيش أي عقبة بفضل الله قابلتنا طول الطريق من السودان لحد ما وصلنا أرض وتراب مصر".

https://www.youtube.com/watch?v=rau8YS_7wEY&ab_channel=eXtranews

وتابع: "الواحد مبيعرفش قيمة مصر أمه غير لما يكون برة.. ومصر دي في دمنا كلنا والشكر كل الشكر للرئيس عبدالفتاح السيسي والجيش المصري العظيم اللي بنلاقيه وقت الشدة وبتعرف قيمته لما تكون بره".