"ركزي في نفسك أنا هنزل القبر لوحدي".. ندى الكامل تهاجم إحدى متابعاتها
تحدثت ندى الكامل، طليقة الفنان أحمد الفيشاوي، مع متابعيها أمس عبر موقع تبادل الصور إنستجرام، حيث كشفت أمور كثيرة من بينها حقيقة ارتباطها، مؤكدة أنها مازالت عزباء ولن تتزوج مرة أخرى، كما ردت على منتقدي مظهرها وملابسها.
وكتبت ندى الكامل عبر خاصية استوري على حسابها بموقع انستجرام: “أنا لسه سنجل ولا أبالي، ومش عايزة أتجوز تاني لأني اتجوزت واتبسطت جدًا وكنت سعيدة ومش هكررها تاني”.
وهاجمت ندى الكامل إحدى متابعاتها بعد سؤالها عن خوفها من الحساب وعقاب الله بسبب ملابسها، قائلة: “يعني إيه مش بخاف من الحساب ومش خايفة أخد ذنب؟ ما طبيعي كلنا خايفين من الحساب ومش عايزين ناخد ذنوب، بتفصليني عن باقي البشر ليه؟ كلنا عندنا نفس لوامة أو معظمنا، وأظن دا أحسن بكتير من النفس الأمارة بالسوء”.
وواصلت: “ركزي في نفسك عشان ترتاحي ومتبقيش تبصي عليا لو مضايقاكي، أنا لوحدي جيت ولوحدي عشت وبردو هنزل المتر في متر لوحدي، ساعتها أنا اللي هكون ملزمة أرد على السؤال دا وقتها، لكن مش ملزمة أرد عليه حاليًا”.
وتطرقت للحديث عن عمليات التجميل، قائلة: “أي حاجة تفرحك وتخليكي مبسوطة قدام المراية وعقلك واعي وعينك مبسوطة بالمنظر أعمليها، ومش شرط تجميل بس، إنما أي حاجة لأن الإنسان لو مساعدش نفسه وطور منها محدش هيساعده”.
كما كشفت مواصفات فتى أحلامها، متمنية الارتباط بـ رجل ذكي وجميل ومتعلم ومشغول دائما وهادئ ومحترم، ولكنها لا تفكر في الزواج حاليًا، وتحاول التركيز على سعادتها وحياتها فقط.
