نسبوا تصريحات ياسمين عز لها.. رضوى الشربيني: كلام العبيد دا مش بتاعي
أعربت الإعلامية رضوى الشربيني، عن استيائها الشديد بعدما نسب البعض تصريحات الإعلامية ياسمين عز لها، وذلك من خلال حسابها الشخصي بموقع التغريدات القصيرة “تويتر”.
وتداول البعض تصريح لرضوى الشربيني، قالت فيه: “البيت بفلوس الراجل وتيجي مراته تقوله اقلع الجزمة عشان السجادة، ده أنا أحط فساتيني الماركات تحت رجله يمشي عليها”.
وردت رضوى الشربيني على هذه التصريحات، قائلة: “وأنا أقول كلامها ليه أنا ست عندها كرامة، كلام العبيد ده مش بتاعي”.
وكانت رضوى قد حلت ضيفة على الإعلامية منى عبد الوهاب، مقدمة برنامج "أنا والقناع"، خلال شهر رمضان المنصرم، وأكدت أنها ليست عدوة الرجال، ولكنها عدوة أشباه الرجال.
وأضافت: "أنا جيت في الدنيا بسبب راجل وهو أبويا وسندي في الدنيا راجل هو أخويا، وطليقي راجل محترم، وبالتالي أنا مش عدوة الرجالة، أنا عدوة أشباه الرجال، ولست عدوة للراجل".
تصريحات رضوى الشربيني
وأضافت رضوى الشربيني: "اللى بيضرب مراته مينفعش يتقال عليه راجل، واللي بيشغل مراته بالسُخرة وهو قاعد في بيته مش راجل، واللي بيعشم دي ودي بالجواز وما يوفيش مش راجل".
واختتمت قائلة: "قابلت الحب الحقيقي بعد الانفصال ومكنش تعويض عاطفي وإنما قصة حب حقيقية، ولكنها انتهت، وأنا مبحبش أتكلم عن القصص اللي انتهت بسبب أننا اتفقنا أننا لا نتفق".
