بعد تصريحات رضوى الشربيني.. ياسمين عز ترد: "ويحك يا دعسوقة"

نشرت الإعلامية ياسمين عز، مقدمة برنامج كلام الناس على قناة Mbc، منشورا أثار الجدل حيث تضمن إهانات كثيرة موجهه لشخصية غامضة، وسط تعليقات وتخمينات الجمهور.

منشور ياسمين عز

وقالت ياسمين عز في المنشور:"ويحك يا دعسوقة.. كرامة ايه يا ام كرامة بلاستيك أطرافها مطاط، تمط وتنكمش حسب المصلحة والظروف المحيطة، مدام بليز كرامتك وقعت منك آخر مرة هناك، ابعتي عبد (مظلوم )من عندك يجيبها قبل ما تسيح فالشمس".

وأضافت ياسمين ساخرة:"واحكيلنا بالمرة (قواعد بيات المرأة الأربعون برة بيت الزوج من غير اذنه )، سلينا كده في الاجازة لانك شطبتي محتوي وبقيتي مملة، حتي في تلقيحك مملة ، زيرو محتوي زيرو أنوثة، بس الأمانة استرجال ليڤل الوحش".

وتابعت ياسمين :"ده أنا مش بس ادوس عالفساتين الماركات دة انا ادوس علي أي حد علشان خاطر الفرعون الصغير الكبير، بعمل دة فالحياة العادية وبقوله فالعلن".

واستطردت ياسمين عز :"انما بقي لما يكون في خرابة بيوت بتبوس الجذم فالسر وتعمل فيلم (مظلوم ) وتطلع فالعلن تحكيلنا مأساة المرأةالاغريقية ،كدة انتي محتاجة علاج يا مدام ، روحي اتعالجي يا مدام، في تشوهات نفسية وشياط وغيرة ويأس بدأ يتجلي ويتفشي ويترعرع في الانحاء".

وتابعت:"وبلاش نشغل اسطوانة المراة الحديدية،،علشان  المراة نفسها لو عرفت انتي ايه هيجيلها صدمة دماغية حضارية، بقولك يا كابتن، جربي حطي اسمي تاني في تلميحات او تلقيحات ، علشان هنتفرج كلنا وقتها انا هدوس علي ايه تاني غير الماركات،
واهو بالمرة نحكي الحكايات، ونسلي الناس فالاجازات".

تخمينات الجمهور على منشور ياسمين عز

وتفاعل العديد من الجمهور على المنشور، وسط تخمينات عديدة، ورجع الكثير أن المقصوده بالكلام هي الإعلامية رضوى الشربيني، وقام العديد بعمل منشن باسمها على المنشور، ودعمها الكثير حيث جاء في التعليقات:"كل الدعم أقسم بالله هي فعلا خرابة بيوت"، "ردي يا رضوى فهمينا ايه الحوار"، "وصلة ردح إنما ايه عنب".