بعد نصائح سمية الخشاب للفتيات بشأن الزواج والخلفة.. محمد موسى: روحي اكشفي على نفسك يا حاجة

رد الإعلامي محمد موسى، على ما نشرته الفنانة سمية الخشاب بشأن توجيهها نصائح للفتيات مدعية أن "الجواز والخلفه مش إنجاز".

محمد موسى يرد على سمية الخشاب

وقال محمد موسى خلال تقديم برنامج "خط أحمر" على قناة الحدث اليوم، “عايز أقول للحاجة سمية الست في بيت جوزها مش بتخدم.. الست في بيت جوزها بتكون في بيتها وهي سيدة بيتها لو أنتي مش عارفة كده اعرفي لأن كلامك ده باختصار رسالة تخريب لعقول البنات.. وحكاية إن الحب مبيأكلش عيش اللي بتقوليها للبنات، ده كلام أجوف وكلام ممكن نقوله وإحنا بنعمل صفقة ولا مشروع استثماري مش والناس بتتجوز”. 

https://www.youtube.com/watch?v=EI-ESfKzrDI

وأضاف موسى: "الحقيقة العلاقة اللي انتي بتتكلمي عنها وعايزة البنات تاخد بيها من خلال نصايحك اللي الناس في غني عنها دي اسمها علاقة نفعية ومادية بحته.. وحكاية أنك بتقولي إن الجواز والخلفة مش إنجاز .. ده رأيك في حياتك وتجاربك الشخصية فبلاش تعممي تجاربك الناجحة أوي دي علي الناس لأن الحقيقة لا أعتقد أن تجاربك ممكن تكون نموذج البنات تحتذي به.. بجد ضروري الكل يروح يكشف علي صحته النفسية.. بجد كفاية اللي بتعملوه في الناس والمجتمع من خلال تصدير مفاهيم غير مدروسة بتلخص تجارب فاشلة"