بعدما اتهمه عمرو مصطفى بأن دوره غير موجود.. الموزع مولوتوف يرد

اتهم المطرب والملحن عمرو مصطفى، مطرب المهرجانات ويجز، بشراء موسيقى أغانيه، وعبر عن رأيه في أغانيه، بالقول:" على فكرة ويجز وكل الشباب اللي طالعة جديد كلهم بيشتروا موسيقى جاهزة بـ100 دولار والموزع دوره مش موجود".

رد مولوتوف على عمرو مصطفى
 

بدوره رد الموزع الموسيقى مولوتوف، على اتهام المطرب عمرو مصطفى بشراء أغانيه، وعلق عبر خاصية ستوري بحسابه الرسمي بموقع تبادل الصور والفيديوهات الشهير انستجرام، قائلاً: "مبدئيا أنا هتكلم عن الأغاني اللي أنا عملتها لويجز وهي، دورك جي، بالسلامه، أسياد البلد، وبما إن أنا الموزع بتاعها أحب أقول للأستاذ عمرو مصطفى إن الأغاني معمول فيها توزيع وهندسة صوت وتلحین وشغل بالمستوى العالمي، وبتاخد وقت ومجهود وتفکیر کبیر جدًا من كل الأطراف المشتركة فيها".

وأضاف مولوتوف:" الموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا فأنا لم أتقاضَ أي أجر على الأعمال دي لإن فيه اتفاقات بصورة تانية، في النهاية إحنا بنشكرك على استماعك بس يا ريت تتحرى الدقة قبل نشر أي معلومات، وشكرًا".

تصريحات عمرو مصطفى عن ويجز
 

وهاجم الملحن عمرو مصطفى مطرب الراب ويجز، خلال مداخلة هاتفي في برنامج أجمد 7، قائلًا: "الموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي، والناس اللي طالعة جديد عندها موسيقى جاهزة ومش محتاجة موزع موسيقي ترغي معاه وتعمل معاه الشغل دة كله، وممكن أنزل كل يوم 3 أغاني لأن الموسيقى ممكن تشتريها على النت، ودة بيلغي دور الموزع".