حاربوه واستكتروا عليه رزقه.. ريهام حجاج تكشف سر حزن مصطفى درويش

أعربت الفنانة ريهام حجاج، عن حزنها الشديد، لرحيل الفنان مصطفى درويش، والذي رحل عن عالمنا منذ قليل، وسط صدمة كبيرة لمحبيه وزملائه الفنانين، إثر أزمة قلبية مفاجئة، وسيتم تشييع الجنازة بعد صلاة العصر، من مسجد الحصري في أكتوبر.

رحيل الفنان مصطفى درويش

وعلقت عبر حسابها الشخصي بفيسبوك: مصطفي درويش من أكتر الناس إللي اتحاربت و ياما اتكتب عليه و اتقال كلام كتير يهدم اي حد وكتير استكتروا عليه رزقه اللي ربنا كان باعتهوله وكعادة بعض الناس إللي شايفين إنهم لازم يقرروا مين يستحق الرزق و مين لاء شايلين من دماغهم إن ربنا بس اللي بيرزق.

وأضافت: مصطفي اتكلم معايا في الموضوع دا لما قابلته مرة بعد دوره في بميت وش و كان حقيقي متأثر ياريت تفهموا إن ربنا دايما ليه حكمة في كل حاجة و أهو مصطفي ربنا أفتكره و هو لسة صغير.

وتابعت: ياريت تبطلوا تجرحوا في الناس و هما و انتم لسه عايشين عشان مش حاتقدر تتحمل وقفتك أدام إللي حرجته و هو مختصمك أدام ربنا مافيش حاجة في الدنيا مستاهلة.

وردت الفنانة عبير صبري على منشور ريهام قائلة: ايوه صح كلامك  وكانوا بيستكتروا عليه الشغل ويقولوا ببشتغل مين واسطته وقرف كتير عرفوا دلوقتي كان بيشتغل كتير ليه عشان عمره قصير يارب اللي بيحاربوا الناس في رزقهم ويحطوهم في ضغط مستمر  يكونوا علي اد الخصومه يوم الحساب ..ربنا يرحمه ويغفرله ويدخله الجنه.

وكان شقيق مصطفى درويش، قد أعلن خبر وفاة شقيقه عبر حسابه الرسمي على فيس بوك، قائلا: البقاء لله، توفي إلى رحمة الله تعالى شقيقي مصطفى درويش، وتشيّع الجنازة عقب صلاة العصر من مسجد الحصري في أكتوبر، والعزاء عقب صلاة المغرب بمسجد الشرطة بالخمائل بالشيخ زايد.

يذكر أن مصطفى درويش حقق نجاحات كبيرة من خلال مسلسل ب 100 وش، والذي عرض منذ سنوات ولاقى نجاحا كبيرا، وهو من بطولة نيللي كريم وإخراج كاملة أبو ذكري.