كأنه عاد من الموت.. تداول فيديو لـ«مصطفى درويش» يعاتب فيه من لم يعزيه
تداول نشطاء مواقع التواصل الإجتماعي فيديو أثار الكثير من الجدل، وأفزع الجمهور، ظهر فيه الفنان الراحل مصطفى درويش، وكأنه عاد من الموت ليتحدث عن نفسه، ونفاق من حوله، ويعاتبهم على عدم الذهاب للعزاء، كما قدم الاعتذار لعمرو حسن كونه كان غضب منه وهاجمه، عندما قال عمرو إنتم منافقين، ليؤكد أن تلك طبيعة البشر.
مصطفى درويش
وقال مصطفى درويش في الفيديو :"الناس اللي كانت عماله تولول على الفيس بوك.. وياحبيبي يا مصطفى وياروحي يا مصطفى، وأنا كنت مقصرة معاك، وأنا مش مصدق، وأنا مش مصدقة، اللي عاملالي نفسها إن هي خلاص هتموت، واللي بيغم عليها، واللي هتولد على الفيس بوك.. فين ؟؟ والله فين يعني ؟!".
وأضاف مصطفى درويش:"انتم ايه كمية النفاق اللي انتوا فيها دي، انتم كلكم هتموتوا زينا والله، ده أنا في حد اسمه عمرو حسن أنا بتأسف ليه ع فكرة، أنا دخلت في الراجل ده شمال، إن هو أننا فعلا منافقين، بس لا ده إحنا منافقين، وعمرو حسن عنده حق، أنا كنا دخلت فيه شمال وعملت ليه ميوت، أنا بتأسف ليه بجد مقالش كلمة غلط، انتم منافقين جدا يخرب بيت نفاقكم".
وتابع:"يخرب بيت الفيس بوك، على بيت اللايكات، على بيت التصوير، على بيت الكومنت، انتوا ايه بتاكلوا ايه، انتوا اتربيتوا ازاي، ايه قلة الأدب دي، ده واحد كان في بينكوا وبين بعض عيش وملح، يعني مكسل تنزل تسوق عربيتك، لحد عنده تعزي فيه، تجبري بخاطر أهله، وإن لسه ليه صحاب وإن صحابة هيسألوا ع أمه، وعلى عياله، ده انتوا كلكم هتموتوا هتتضربوا بالجزم أقسم بالله، ما هتلاقوا حد يعبركم".
