رضوى الشربيني: اللي اتربت على الأصول لا تتكلم كالعبدة

نشرت الإعلامية رضوى الشربيني، رسالة مبطنة عبر صفحتها الرسمية بموقع التواصل الاجتماعي "فيسبوك"، حملت بين طياتها رسالة شديدة اللهجة.

منشور رضوى الشربيني 

وكتبت رضوى الشربيني عبر صفحتها الشخصية: "بحب أوي الست اللي اتربت على الأصول والرقي في التعامل وعندها فن الرد.. الست اللي ليها كيان وكرامة تتحدث بشكل لائق ولا تتصرف أو تتكلم كعبدة أو مملوكة.. الست اللي بتقف جنب أي حد مظلوم من غير ما يفرق معاها أي حد".

وتكهن الجمهور بأن رضوى الشربيني تقصد بهذه الرسالة، الإعلامية ياسمين عز، وذلك بالتزامن مع هجومها الأخير عليها والتي وصفتها فيه بأنها تخرب البيوت.

هجوم ياسمين عز على رضوى الشربيني

وكتبت ياسمين عز منذ أيام رسالة عبر صفحاتها الشخصية بمواقع التواصل الاجتماعي، قائلة: "ويحك يا دعسوقة، كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة، مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح في الشمس، واحكيلنا بالمرة قواعد بيات المرأة الأربعون برة بيت الزوج من غير إذنه".

وتابعت: "سلينا كدة في الإجازة لأنك شطبتي محتوى وبقيتي مملة، حتي في تلقيحك مملة، زيرو محتوى زيرو أنوثة، بس الأمانة استرجال ليڤل الوحش".

وواصلت ياسمين عز: "ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده في الحياة العادية وبقوله في العلن، إنما بقى لما يكون فيه خرابة بيوت بتبوس الجذم في السر وتعمل فيلم "مظلوم" وتطلع في العلن تحكيلنا مأساة المرأة الإغريقية، كدة انتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء، وبلاش نشغل إسطوانة المرأة الحديدية، علشان المرأة نفسها لو عرفت انتي إيه هيجيلها صدمة دماغية حضارية".

وأضافت ياسمين عز: "بقولك يا خرابة البيوت العمرانة، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وأهو بالمرة نحكي الحكايات، ونسلي الناس فالإجازات".