رفضت تديني حقي الشرعي.. التفاصيل الكاملة لـ مقتل «عروس طنطا» على يد زوجها

احتلت قضية مقتل «عروس طنطا» على يد زوجها تريند محركات البحث، وأصبحت حديث الساعة على مواقع التواصل الإجتماعي، باحثين عن تفاصيل تلك الجريمة البشعة، بعدما أقدم عريس على قتل عروسته بعد 3 أيام من عقد قرانهما بطعنها عدة مرات، حتى وفاتها.

التفاصيل الكاملة لمقتل «عروس طنطا»

شهدت منطقة نيفيا بمركز طنطا التابعة لمحافظة الغربية، حادثة مأسوية، حيث توفيت «عروس طنطا» بعد 3 أيام فقط من زفافها، بعدما إقدام «محمد.ال» على طعن زوجته في مناطق متفرقة من الجسد، مبررًا رفض «عروس طنطا» إعطاءه حقه الشرعي.

مقتل عروس طنطا

وقال الزوج أمام نيابة طنطا إنه لم يكن يقصد قتلها وقد صبر عليها كثيرا بسبب خجلها ولكن دون جدوى، موضحًا أنه تزوج منذ 3 أيام، ولم يتمكن من ممارسة حقه الشرعي في أول ليلة بسبب الإجهاد والتعب خلال الزفاف.

وأضاف زوج عروس طنطا: "في اليوم الثاني صحينا بعد الظهر، وحاولت إني أخد حقي الشرعي منها إلا أنها قعدت تقولي لا ابعد عني ومتقربليش، ومرضتش إني أعمل حاجة معاها، واتغدينا مع بعض وقعدنا باقي اليوم نتفرج مع بعض على فيلم ونتكلم ونضحك ونهزر، وبالليل اتكلمت معاها تاني فهي قالتلي أنت مستعجل على إيه، قدامنا العمر كله ولسه بدري علينا لحد ما نمنا".

اعترافات زوج العروس “الجاني ”

وتابع: "يوم الأربعاء، صحينا الصبح بدري، ووالدة عروس طنطا جت الساعة 10 الصبح، ومعاها أكل وكان معاها الذهب بتاع مراتي، وادتهولي وقالتلي أنت أولى بيه، وأنا رديت عليها وقولتلها أنا معايا أغلى من الدهب يا ماما، وبعدين هي قعدت معانا ساعتين وطول الساعتين قعدت معانا إحنا الاتنين نتكلم ونضحك ونهزر، بعد كده هي أخدت بعضها ومشيت".

وتابع المتهم: "بعد ذهاب والدتها قولتلها تعالي أنا عايز أخد حقي الشرعي منك وهي برضه قعدت تتهرب مني، وأنا حاولت أكلمها وأعرف هي مش راضيه ليه، وقالتلي علشان هي لسه مخدتش عليا ومكسوفة مني، فأنا وقتها سكت وقعدنا نتكلم سوا، وفضلنا كدة لحد على الساعة 11:30 مساء وبردو هي مرضيتش".

واستطرد زوج العروس:" مع إصرار الزوجة على الرفض، أنا كنت جبت آخري منها ورحت على المطبخ أخدت سكينة كبيرة شوية كانت محطوطة على رخامة الحوض، ولما دخلت أوضة النوم كانت العروسه مدياني ضهرها، فقمت نزلت على ظهرها بالسكينة وضربتها أكتر من ضربة، وهي حاولت تفلت مني وبتتقلب بسرعة علشان خاطر تهرب قمت ضاربها بالسكينة في رقبتها وفي وشها، ولما شفت الدم قعدت أخبط فيها كتير بالسكينة وهي كانت على حرف السرير ووقعت على الأرض ما بين السرير والتسريحة، وأنا كملت فيها ضرب لحد ما أتأكدت إنها ماتت".

وأضاف: "وقعت «عروس طنطا» ودماغها خبطت في الكومدينو اللي جنب السرير، وبعد كده رميت السكنية جنبها ولبست هدومي وكلمت أخوها حازم وقولت له تعالالي حالا في مصيبة تعالى الحقني، ونزلت الشارع بعدها وطلبت الإسعاف، وأنا قعدت أصرخ وأصوت وأقول الحقوني مراتي راحت مني الحقوها، وبعدين الناس في المنطقة اتلمت فأنا كنت بتمرمغ في الأرض وبصوت وأصرخ بأعلى صوتي علشان حد يلحقها".

وواصل:" بعدين الإسعاف جت والشرطة وقبلهم أخوها حازم جه علشان يشوف في إيه، ولما الإسعاف جت طمنوني شوية وبعديها بشوية الشرطة جت وقعدوا يتكلموا معايا علشان يعرفوا إيه اللي حصل، وأنا حكيتلهم كل حاجة بالتفصيل، وبعدها خدوني بعربية الشرطة وطلعوا على المركز".

مقتل عروس طنطا على يد زوجها
وقرر قاضي المعارضات بمحكمة طنطا بمحافظة الغربية، تجديد حبس العريس 15 يوما على ذمة التحقيق، بتهمة قتل عروسته بعد عدة أيام من زفافهما، داخل شقتهما.