خالد الفايد يستغيث: الدفاع عن النفس واجب.. سبت بيتي وأهلي علشان أصلي وهاني محروس بيهددني
نشر الفنان المعتزل خالد الفايد استغاثه، عبر حسابه الشخصي موقع التواصل الإجتماعي فيس بوك، وأكد أنه يتعرض للتهديد من المنتج هاني محروس، وأنه ترك أهله ووطنه مصر كي يتقرب من الله.
تصريحات خالد الفايد
ونشر خالد الفايد صورة له، وعلق عليها: "الدفاع عن النفس واجب وانا بدافع عن نفسي، أنا مش بلبس سلاسل ولا بقا ليا في الكلام ده كله، أنا واحد ساب بيته وساب اهله وساب حياته كلها علشان يقدر يصلي ويقرب من ربه لكن معرفتش أقرب من ربنا في بلدي اللي هي بلد اسلاميه وبقت تجيلي تهديدات من هاني محروس وناس من طرفه بتدخل تكلمني يقولولي هاني محروس هيعمل كذا وكذا وكدا وخللي بالك منه وكمان الرساله اللي كان بعتها لاهلي بيقولي القانون بيننا".
استغاثة خالد الفايد
وأضاف خالد الفايد:" تمام خالي القانون بيننا وأنا هسيب ربي بيني وبينك لو مش ف الدنيا هيكون في الاخره ولا يظلم ربك احدا، وحسبي الله ونعم الوكيل، ليا طلب عندكم اي حد يشوف البوست يشيره علشان صوتي يوصل وحد يتدخل ينقذني من الشخص ده".
وكان قد أعلن خالد الفايد، صباح اليوم أنه شاهد رسول الله صلى الله عليه وسلم في منامه، قائلا: «النبي قال اللي يشوف حاجة حلوة يقولها للي بيحبه.. وأنا بحبكم»، متابعًا: «رأيت النبي صلى الله عليه وسلم في المنام.. كنت معه بجوار الصحابة في وقت نزول الوحي عليه أول مرة.. كان بجانبي أبا بكر الصديق، وكان في داخل بيته، وبجانبي ورقة بن نوفل».
وكان خالد الفايد، قد أعلن اعتزاله الغناء، في شهر فبراير الماضي، وكتب عبر حسابه الشخصي على «فيس بوك»: «أرجوكم محدش يقولي غني تاني، كفاية بجد مش عايز فلوس ولا شهرة ولا علاقات ولا أي سراب من ده كله».
