حسن شاكوش عن خناقته مع زوجته ريم: كل شخص هيتسأل قدام ربنا عن كلامه ومش هتكلم في أي تفاصيل
علق مطرب المهرجانات الشعبية، حسن شاكوش، على ازمته مع زوجته ريم طارق، بعدما حررت محضرًا ضده، وأصبحا حديث الساعة والتريند على مواقع التواصل الإجتماعي.
منشور حسن شاكوش
ونشر حسن شاكوش، منشورًا عبر حسابه الشخصي بموقع تبادل الصور والفيديوهات إنستجرام، قال فيه: "الحمد الله والشكر ليك يارب على كل حال الحقيقة الفترة اللي فاتت شاركنا معاكم مشاكل كثيرة مكنش ينفع أننا نشاركها معاكم لأن محدش يعلم شيء طلاما محدش شاف حاجة، وأنا برضو هفضل عند قراري مش هتكلم في أي تفاصيل حتى مهما سمعت أي تجريح بس حقيقي كل شخص هيتسأل قدام ربنا عن كلامه".
وأضاف حسن شاكوش: "أنا حابب اعتذر لكل أهل بيتي وجميع أفراد إدارة أعمالي وكل فرد في فرقتي على الإساءة اللي بيتعرضولها يوميًا من خلال السوشيال ميديا وخارج السوشيال ميديا، وأسف تاني لكل أهل بيت في مصر على الإساءة اللي حصلت على السوشيال ميديا".
وتابع شاكوش: "حابب أشارك معاكم التريند بطريقة كوميدية وفيديو ترفيهي على التيك توك بدون الإساءة لأي شخص ربنا يعلم أنها حاجة ترفيهية فقط وربنا يهدي حال الجميع والحمد الله على كل شيء وانتظروا شغل جديد الفترة اللي جاية دعواتكم".
حسن شاكوش: أنا واخدك مدام من الأول
كما نشرت مقطع صوتي له وهو يقول: زي ما دخلنا بالمعروف نخرج بالمعروف يا بنت الناس وأنتي كدا كدا مخسرتيش حاجة أنا واخدك مدام، أنا ولا واخدك بنت بنوت وشهر وظلقتك وبوظتلك حياتك لا.. أنتي كدا كدا حياتك من الأول مش نافعة.
محامية زوجة حسن شاكوش
وسبق وأن فجرت محامية زوجة حسن شاكوش مفاجأة، حيث أعلنت أن المشكلة الواقعة بين حسن شاكوش وريم طارق هي المشكلة الثانية منذ زواجهما.
وقالت المحامية هايدي الفضالي محامية زوجة حسن شاكوش أن موكلتها طلبت الطلاق من الأخير، وذلك بعد قرارها باستحالة المعيشة معه، مشيرة إلى أن ريم ترفض الإفصاح عن أسباب أسرية خاصة بينهما وعدم الخوض في ذلك.
