صافيناز: قبل ما أطلع المسرح بقول يا رب عشان ممكن أموت عليه.. وربنا بيديني قوة

كشفت الراقصة صافيناز، العديد من التفاصيل عن حياتها الشخصية والفنية، وعن عاداتها قبل صعودها على خشبة المسرح.

وقالت صافيناز ي تصريحات إعلامية: "قبل ما أطلع عالمسرح بقول يا رب عشان ممكن أموت على المسرح زي فنانين كتير حصلهم كدا وبطلب القوة منه، ربنا بيديني قوة أومال مين يديني قوة ومفيش حد يقدر يعمل فرحه من غير رقاصة".

وأضافت صوفينار: "جوزي كان بيغير عليا جامد ودا شيء طبيعي لأني بطلع على المسرح والناس كلها بتحبني وبتتفرج عليا".

وتابعت: "كنا أنا وجوزي بنسيب كل الناس يتكلموا ويجاملوني والمهم إني بروح لجوزي بعد الحفلة ومحدش بيقدر يلمسني على المسرح".

وكشفت صافيناز عن إمكانية دخول ابنتها عالم الرقص، مؤكدة أنها ترفض تماما أن تكون ابنتها راقصة، كما أنها تفكر في التبني.

وذكرت صافيناز في تصريحات سابقة أنها تستعين بـ حارس شخصي خلال عملها، ويعمل معها نحو 25 رجلا وبالتالي لا يجرؤ أحدًا على لمسها، مشيرة إلى أن جمهورها من طبقة مميزة ومحترمين وطريقتها في التعامل مع جمهورها تجعل الجميع يحترمها.