رسالة نارية من "زيزو" لجمهور الزمالك قبل مباراة أسوان بالدوري المصري
حرص الدولي المصري أحمد سيد زيزو، لاعب الفريق الأول لكرة القدم بنادي الزمالك، على توجيه رسالة خاصة إلى جماهير الفارس الأبيض، خاصة بعد اتهامه بتراجع مستواه بالمباريات الأخيرة.
وكتب زيزو عبر موقع التواصل الاجتماعي في حسابه الرسمي على "إنستجرام": "مش عارف إيه الموضوع بالظبط، علشان أنا مش متعود أتابع سوشيال ميديا كتير، بس كنت عايز أقول كلمتين، وجهة نظرك صح 100% أنا عارف إن الـ 30 مساهمة السنة دي مش أحسن حاجة وأنا مقتنع جدا بوجهة نظرك".
وأضاف: "ركز بقى في مستقبلك واسعى في كذا حاجة، لعل ربنا يكون كاتبلك خير في الحاجات اللي هتسعى فيها، وتكون رزق ليك ولأولادك، اسعى في حاجة تقدر تفيد وتعلم أولادك بيها لأن في الأول وفي الأخر محدش هيغير حاجة ربنا كاتبها".
واختتم زيزو رسالته: "بتمنالكوا كل خير وربنا يوفقكوا، في أي حاجة كويسة هتسعوا ليها في الأخر أنا الحمد لله رزقي مكتوب، وأنا بسعى وربنا دايما مبيجبش غير الخير".
ويستعد الزمالك لخوض مواجهة قوية ضد أسوان في المباراة التي ستقام مساء الخميس المقبل، ضمن منافسات الجولة الـ28 من مسابقة الدوري المصري الممتاز.
موعد مباراة الزمالك وأسوان
وتنطلق مباراة الزمالك وأسوان في تمام الساعة الثامنة بتوقيت القاهرة والسعودية، الساعة التاسعة بتوقيت الإمارات، وتذاع عبر قناة أون تايم سبورتس المصرية.
